ویب ڈیسک-تعلیم کے شعبے میں پاکستان کے لئے ایک اوراعزاز اور فخر کا لمحہ، تھرسے تعلق رکھنے والے نویں جماعت کے طالب علم روہن کمار نے 1 منٹ 58 سیکنڈ کی غیر معمولی مدت کے اندر پیریاڈک ٹیبل ( دوری جدول ) کو ترتیب دینے کا عالمی ریکارڈ توڑ دیا ہے۔
تفصیلات کے مطابق سندھ کے ضلع تھرپارکر سے تعلق رکھنے والے نویں کلاس کے طالب علم روہن کمار اسلام آباد سائنس فیسٹیول ، ISF 2021میں شریک ہو کر پیریاڈک ٹیبل کا یہ ریکارڈ بنانے کے لیے خاص طور پر اسلام آباد آئے، ۔
ان کا کہنا ہے کہ انہوں نے ڈپٹی کمشنر اسلام آباد کے سامنے ایک منٹ 28 سیکنڈ میں پیریاڈک ٹیبل بنا یاجو کہ ایک ریکارڈ ہے۔ تاہم میڈیا کےسامنے ٹیبل بناتے ہوئے انہیں دو منٹ 24 سیکنڈ لگے اور یہ بھی قائم شدہ عالمی ریکارڈ سے کم وقت ہے۔
Congratulations Rohan Kumar - a 9th grader from Thar, Sindh - who set the world record for arranging all elements of the periodic chart in 1 minute and 58 seconds at @ISF2021. @dailytimespak #ScienceStar #PrideofPakistan #USPAK pic.twitter.com/FBfYwJuDNh
— U.S. Embassy Islamabad (@usembislamabad) February 18, 2021
اس سے قبل جولائی میں لاہور کی نو سالہ طالبہ نتالیہ نجم نے پیریاڈک ٹیبل دو منٹ 42 سیکنڈ میں مکمل کیا تھا جو گنیز بک آف ورلڈ ریکارڈ میں درج ہے۔تاہم روہن کا ریکارڈ ابھی گنیز میں درج نہیں ہوا تاہم ان کے ماموں ڈاکٹر بھیشم کوٹک کا کہنا ہے کہ پاکستان سائنس فیڈریش اس کی کوشش کر رہی ہے اور اس سلسلے میں پیر کو ایک میٹنگ بھی ہوگی۔
روہن کمار سندھ کے ضلع تھرپارکر کے صدر مقام مٹھی شہر کے ایک مقامی نجی اسکول میں نویں جماعت کا طالب علم ہیں۔ان کی اس مہارت کو خیبر پختونخوا کے وزیر تعلیم شہرام ترکئی اور ڈی سی اسلام آباد نے بھی سہراہا۔