مسلم لیگ (ن) کی رہنما اور پنجاب اسمبلی کی رکن ثانیہ عاشق کی جھوٹی ویڈیو کو وائرل کرنے کے معاملے میں فیڈرل انویسٹی گیشن ایجنسی (ایف آئی اے) نے ایک ملزم کو ٹیکسلا سے گرفتار کر لیا ہے۔
مسلم لیگ ن کی رکن پنجاب اسمبلی ثانیہ عاشق نے دھمکی آمیز فون کالز اور سوشل میڈیا پر ان سے منسوب جعلی وڈیوز اور تصاویر پوسٹ کیے جانے پر ایف آئی اے کے سائبر کرائم ونگ میں درخواست جمع کرائی تھی۔
A targeted harassment strategy starting with hundreds of threatening calls,3rd grade songs on tiktok, replusive posts on fb, random clips associated to me;has now culminated at using picture of my father literally during last hours of his life,moments I can never erase frm memory
— Sania Ashiq (@SaniaaAshiq) October 26, 2021
خیال رہے کہ ثانیہ عاشق نے گزشتہ ماہ ایف آئی اے کے سائبر کرائم ونگ کو ایک تحریری شکایت درج کرائی تھی۔ انہوں نے اپنی ٹویٹ میں لکھا تھا کہ انہیں ہراساں کئے جانے کا سلسلہ دھمکی آمیز فون کالز، ٹک ٹاک کے تھرڈ کلاس گانوں اور ناشائستہ فیس بک پوسٹوں سے شروع ہوا اور اب یہ معاملہ والد کے ساتھ میری تصاویر کے غلط استعمال تک جا پہنچا ہے۔
ثانیہ عاشق کا کہنا تھا کہ میں نے ان سوشل میڈیا اکاؤنٹس کی شناخت اور متعلقہ حکام کو اطلاع دینے کیلئے قانونی راستہ اختیار کرنے کا فیصلہ کیا ہے۔ میں نواز شریف کی فالوور ہوں جنہوں نے عدالت کی سیڑھی پر کھڑے ہو کر اپنا مقدمہ خدا پر چھوڑ دیا تھا۔ میں خدا سے دعا کرتی ہوں کہ وہ آپ سب سے انصاف کرے۔
سائبر کرائم ایکٹ کے تحت ایف آئی اے میں درخواست جمع کروائی ہے اور امید کرتے ہیں کہ ذمہ داران کے خلاف کارروائی عمل میں لائی جائے گی۔ @SaniaaAshiq کے خلاف جھوٹی نازیبا وڈیوز اور تصاویر پھیلانے والوں کو شرم آنی چاہیے۔ مرحوم والد کی بستر مرگ پر تصاویر تک کو غلط رخ دیا گیا@JAKalyar pic.twitter.com/9glo2TTLe6
— Attaullah Tarar (@TararAttaullah) October 26, 2021
انہوں نے اپنی درخواست میں لکھا کہ میرے نام سے سینکڑوں جعلی اکاؤنٹس بھی بنائے گئے جبکہ میری ویڈیوز کو ٹک ٹاک پر فحش تبصروں اور گھٹیا گانوں کے ساتھ پوسٹ کیا جاتا رہا۔ سوشل میڈیا پر میں نے اپنے والد کی زندگی کے آخری ایام کی جو تصاویر پوسٹ کی تھیں، ان کی بھی ایڈیٹنگ کرکے ان کی فحش قسم کی تشریح کی گئی۔ ان کا کہنا تھا کہ ہتک آمیز مواد سے بحیثیت ایک فرد اور عوامی نمائندہ ساکھ کو شدید نقصان پہنچا ہے۔