وفاقی وزیر خرم دستگیر کے مطابق وزیر اعظم شہباز شریف آرمی چیف کی تعیناتی کا فیصلہ سابق وزیر اعظم نواز شریف اور حواریوں کے مشورے سے کریں گے۔ تفصیلات کے مطابق وفاقی وزیر خرم دستگیر نے گوجرانوالہ میں پریس کانفرنس کے دوران کہا کہ آرمی چیف کی تعیناتی کا فیصلہ وزیراعظم کا ہے، وہ نواز شریف اور اپنے حواریوں سے لندن میں مشاورت کریں گے۔ انہوں نے کہا کہ حتمی فیصلہ وزیراعظم شہباز شریف کا ہی ہوگا۔ کوئی جتنی ملاقاتیں کرلے لیکن آئین کہتا ہے کہ یہ وزیراعظم کی صوابدید ہے۔ دوسری جانب وزیراعظم برطانیہ پہنچ گئے ہیں ۔ پاکستان مسلم لیگ (ن) کی قیادت کے اجلاس میں آج ملکی سیاسی صورتحال پر اہم فیصلے بھی متوقع ہیں۔ ذرائع کہنا ہے کہ اجلاس میں اسحاق ڈار بھی شرکت کریں گے اور پنجاب میں تحریک عدم اعتماد پیش کرنے یا نہ کرنے کا فیصلہ بھی کیا جائے گا۔