کوئٹہ ( پبلک نیوز) بلوچستان حکومت نے صوبہ بھر میں انٹرمیڈیٹ امتحانات ملتوی کر دیئے ہیں۔
کنٹرولر انٹرمیڈیٹ بورڈ نے تصدیق کر دی ہے کہ بلوچستان میں 25 مئی سے انٹرمیڈیٹ کے امتحانات شروع ہونا تھے جو ملتوی کر دیئے گئے ہیں۔ کنٹرولر امتحانات کے مطابق کورونا وائرس کے پھیلاؤ سے بچنے کے لیے یہ فیصلہ کیا گیا ہے۔
بلوچستان میں انٹرمیڈیٹ امتحانات منسوخی کے بعد نئی تاریخ کا ابھی تک نہیں بتایا گیا۔ کنٹرولر کا کہنا ہے کہ نئی تاریخ کا اعلان بعد میں کیا جائے گا۔