وفاقی دارالحکومت اسلام آباد اور گردونواح میں زلزلے کے جھٹکے محسوس کیے گئے ہیں۔ تفصیلات کے مطابق اسلام آباد اور گردونواح میں زلزلے کے جھٹکے محسوس کیے گئے ہیں ۔ زلزلے کے شدید جھٹکوں سے خوف وہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے ۔ زلزلہ پیما مرکز کے مطابق ریکٹر سکیل پر زلزلے کی شدت 3.2 ریکارڈ کی گئی ہے۔ زلزلے کی گہرائی 25 کلومیٹر زیر زمین ریکارڈ کی گئی ہے ۔ زلزلے کا مین مرکز اسکردو گلگت بلتستان تھا۔ زلزلے کے جھٹکے 9 بجکر 50 منٹ پر ریکارڈ ہوئے۔ تاحال زلزلے سے کوئی جانی و مالی نقصان کی اطلاعات موصول نہیں ہوئی ہیں ۔