مجھے جوڈیشل کمپلیکس میں قتل کرنے کی سازش ہوئی، عمران خان

لاہور: سابق وزیر اعظم عمران خان نے کہا ہے کہ جوڈیشل کمپلیکس میں قتل کرنے کی سازش ہوئی۔ سماجی رابطے کی ویب سائٹ ٹوئٹر پر جاری بیان میں سابق وزیر اعظم عمران خان نے کہا کہ انہیں جوڈیشل کمپلیکس میں قتل کرنے کی سازش کی گئی، کیسے موت کے جال میں پھنسایا گیا اور کس طرح اللہ نے وقت آنے پر بچایا، جلد ہی بےنقاب کروں گا۔

میں جلد ہی بےنقاب کروں گا کہ جوڈیشل کمپلیکس میں قتل کےایک پھندے میں کیسے مجھے پھنسایا گیا اور کیسےرب العزت نے یک لخت مجھے اس سے بچایا۔

— Imran Khan (@ImranKhanPTI) March 20, 2023

چیئرمین پاکستان تحریک انصاف (پی ٹی آئی ) عمران خان نے بیان میں کہا کہ مجرموں کی اس حکومت نے ہمارے کارکنوں کو جیلوں میں ڈالا، نہ صرف عدالتوں بلکہ انسانی حقوق کی تنظیموں سے بھی رجوع کریں گے، بیرون ملک پی ٹی آئی کے تمام چیپٹرز سے کہیں گے کہ اپنے مقامی منتخب نمائندوں اور سیاست دانوں سے رابطہ کریں، انہیں پاکستان میں جاری فاشزم سے آگاہ کریں۔

مجرموں کی اس سرکار کے ہاتھوں قید کئے جانے والے اپنے کارکنان کا معاملہ آج عدالتوں ہی میں نہیں بلکہ انسانی حقوق کی عالمی تنظیموں کے سامنے بھی اٹھائیں گے۔ دنیا بھرمیں تحریک انصاف کے ذمہ داران اپنے منتخب مقامی نمائندوں اور سیاستدانوں کو پاکستان میں جاری اس فسطائیت سےآگاہ کریں۔ pic.twitter.com/nkOZy2lSQ0

— Imran Khan (@ImranKhanPTI) March 20, 2023