’مغربی ممالک کاکشمیرپربات نہ کرنامنافقت ہے‘

اسلام آباد(پبلک نیوز) وزیراعظم عمران خان کا کہنا ہے کہ مقبوضہ کشمیر میں 90 لاکھ افراد کھلی جیل میں قید ہیں۔ مغربی ممالک کا مسئلہ کشمیر پربات نہ کرنا منافقت ہےغیر ملکی ٹی وی کو انٹرویو دیتے ہوئے وزیر اعظم عمران خان کا کہنا تھا کہ بھارت سے ہماری تین جنگیں ہوئی،پاکستان کا ایٹمی پروگرام صرف ملکی دفاع کے لئے ہے۔ ان کا کہنا تھا کہ چین نے ہر مشکل وقت میں پاکستان کا ساتھ دیا، کمزورمعیشت میں بہتری کے لئےچینی قیادت نے ہمیشہ مدد کی۔

Refusing to criticize China’s genocide of Muslim Uyghurs, Pakistan’s prime minister says China “came to our rescue” during economic hardship.@jonathanvswan: “Doesn’t it make you feel sick to have to be quiet because of all this money they’re putting into Pakistan?” #AxiosOnHBO pic.twitter.com/wSwHjETJmE

— Axios (@axios) June 21, 2021

اسی انٹرویو میں وزیر اعظم عمران خان نے پرزور انداز میں کہا ہے کہ پاکستان افغانستان میں کسی بھی طرح کی کارروائی کے لئے اپنے کسی بھی اڈے یا اپنی سرزمین کو امریکہ کو استعمال کرنے کی قطعا اجازت نہیں دے گا۔HBO Axio کو انٹرویو دیتے ہوئے ، عمران خان نے کہا کہ امریکی جنگ میں شامل ہو کر پاکستان کو کسی بھی دوسرے ملک سے زیادہ ستر ہزار شہادتوں کا سامنا کرنا پڑا۔ انہوں نے کہا کہ ہم اپنی سرزمین سے مزید فوجی کارروائیوں کے متحمل نہیں ہوسکتے ہیں۔ ہم امن میں شراکت دار ہوں گے لیکن تنازعہ میں نہیں۔وزیر اعظم نے کہا کہ امریکیوں کے جانے سے پہلے افغانستان میں سیاسی تصفیہ ہونا ضروری ہے۔ سیاسی تصفیے کے بغیر خانہ جنگی کا امکان ہے، اور جو ملک افغانستان کے بعد سب سے زیادہ نقصان اٹھائے گا وہ پاکستان ہی ہو گا۔ عمران خان نے کہا کہ ہم پہلے ہی 30 لاکھ مہاجرین کی میزبانی کر رہے ہیں۔ ایک سوال کے جواب میں ، وزیر اعظم نے کہا کہ دنیا کی سب سے طاقتور قوم ہونے کے ناطے ، امریکہ کی ایک بڑی ذمہ داری عائد ہوتی ہے۔انٹرویو کے دوران صحافی نے وزیراعظم عمران خان سے امریکی صدر جوبائیڈن سے رابطے اور سی آئی اے چیف سے ملاقات سے متعلق سوال پوچھا، جس پر عمران خان نے کہا کہ امریکی صدر کے پاس ٹائم ہوگا تو وہ رابطہ کرلیں گے،سی آئی اے چیف سے ان کی ملاقات نہیں ہوئی.

Pakistan’s prime minister attributes some of his country’s relative success in mitigating coronavirus spread to opting not to impose a total lockdown, instead just in hot spots:

“75% of our workers are in the informal economy. … You cannot lock down hungry people.” #AxiosOnHBO pic.twitter.com/W2x87R8lV6

— Axios (@axios) June 20, 2021

وزیراعظم عمران خان کا مزید کہنا ہے کہ کورونا سے نمٹنے کے لئے اسمارٹ لاک ڈاؤن کامیاب رہا، غریب اور دیہاڑی دار طبقے کی مشکلات کو سامنے رکھتے ہوئے روزانہ کی بنیاد پر ڈیٹا اکٹھا کیا گیا، بھوک اور افلاس کے شکار افراد کو پریشان کرنے کے بجائے ہاٹ اسپاٹ ایریاز کو فوکس کیا گیا۔