(محمدساجد)سوشل میڈیا پر اپنی انوکھی گلوکاری سے وائرل ہونے والے چاہت فتح علی خان سوشل میڈیا پر بھی چھا گئے، ان کے نئے گانے ’’ بدوبدی ‘‘ کو 30 دنوں میں 19 ملین سے زائد ویوز مل چکے ہیں۔
تفصیلات کے مطابق چاہت فتح علی خان کے تازہ ترین گانے " بدو بدی" نے یوٹیوب پر دھوم مچا دی ہے، اور چاہے لوگ اس گانے کو مذاق اڑانے کے لیے اسٹریم کریں یا حقیقی معنوں میں اس سے لطف اندوز ہوں ان کی تعداد بڑھتی ہی جارہی ہے۔
چاہت فتح علی خان کا گانا ’’ بدوبدی ‘‘ جس پر خیال کیا جارہا تھا کہ لوگ اس کو پسند نہیں کریں گےاس کو یویٹوب پر صرف 30 دنوں میں 19 ملین سے زائد ویوز مل چکے ہیں جو اس کی بے پناہ مقبولیت کی عکاسی کرتے ہیں۔
دلکش دھن اور خان کی دلچسپ پرفارمنس نے ایک وسیع سامعین کے ساتھ گونج کر اسے وائرل کر دیا۔ یہ کامیابی پاکستانی موسیقی کی بڑھتی ہوئی عالمی اپیل کو اجاگر کرتی ہے، یویٹوب پر اس گانے کو اب تک 20 ملین ویوز مل چکے ہیں۔