27 اپریل سے حکومت کی الٹی گنتی شروع ہے، شیخ رشید

سربراہ عوامی مسلم لیگ اور سابق وفاقی وزیر داخلہ شیخ رشید نے کہا ہے کہ 27 اپریل سے حکومت کی الٹی گنتی شروع ہے، مذاکرات جھانسہ ہے، قوم کو بیوقوف بنایا جا رہا ہے۔ سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ سارے راستے عدلیہ سے نکلیں گے، حکومت عدلیہ کا فیصلہ ماننے سے انکاری ہے جو آئین اور قانون سے کھلی بغاوت ہے، حکومت عدلیہ کے فیصلوں کی نافرمانی حکم عدولی پر اتر آئی، عدلیہ نے فیصلوں کی حفاظت کرنی اور عملدرآمد کرانا ہے۔

یہ الیکشن میں جانے کےاور عوام کو منہ دکھانے کے قابل نہیں رہے 21 ارب ٹرانسفرر نہ ہوئےتو حکومت کی اقتدار سے ٹرانسفر ہو جائے گی حکومت عدلیہ کو ہر صورت نیچا دکھانا چاہتی ہے عدلیہ کی تذلیل چاہتی ہے لیکن رسوائی حکومت کامقدر ہےجو مرضی کرلیں عدلیہ جیتے گی اورآئین اورقانون کی سربلندی ہوگی

— Sheikh Rashid Ahmed (@ShkhRasheed) April 24, 2023

شیخ رشید نے کہا جب حکومت عدالتی فیصلوں کااحترام نہ کرے تو معاشرہ خانہ جنگی اور انتشار کا شکار ہو جاتا ہے، فضل الرحمان جمہوری نظام کو لپیٹ دینا چاہتے ہیں کیونکہ وہ خود اسمبلی میں نہیں، انتخاب سے بائیکاٹ کرنا یا فرار ہونا سپریم کورٹ کی سر دردی نہیں ہے، الیکشن سے باہر ہوں یا عدلیہ سے باہر ہوں فیصلہ حکومت پر ہے۔ ان کا کہنا تھا کہ یہ الیکشن میں جانے کے اور عوام کو منہ دکھانے کے قابل نہیں رہے، 21 ارب ٹرانسفر نہ ہوئے تو حکومت کی اقتدار سے ٹرانسفر ہو جائے گی، حکومت عدلیہ کی تذلیل چاہتی ہے لیکن رسوائی حکومت کا مقدر ہے۔