لاہور: قومی احتساب بیورو ( نیب) نے چیئرمین پی ٹی آئی و سابق وزیر اعظم عمران خان کے خلاف مقدمات کی تفصیلات عدالت میں جمع کرادیں ہیں ۔ تفصیالت کے مطابق نیب نے لاہور ہائیکورٹ میں تفصیلات جمع کروائیں ہیں ، جس کے مطابق سابق وزیر اعظم عمران خان کے خلاف نیب راولپنڈی میں 2 کیسز ہیں ۔ نیب رپورٹ کے مطابق عمران خان کے خلاف تحائف بیچ کرغیر قانونی فوائد حاصل کرنے اور اختیارات سے تجاوز کی انکوائری ہو رہی ہے ، اختیارات کا ناجائز استعمال کرکے مالی فوائد لینے اور ریکارڈ چھپانے پر بھی انکوائری کی جا رہی ہے ۔ نیب رپورٹ میں بتایا گیا ہے کہ پی ٹی آئی چیئرمین عمران خان کے خلاف دونوں کیسز انکوائری مرحلے پر ہیں جبکہ نیب راولپنڈی کے علاوہ ملک میں کہیں بھی عمران خان کےخلاف کوئی کیس نہیں ہے ۔