لاہور ( پبلک نیوز) پاکستان کرکٹ بورڈ (پی سی بی) کے نئے چیئرمین کون ہوں گے؟ وزیراعظم نے عمران خان نے اسد علی اور رمیز راجہ کو بورڈ آف گورنر کے لیے نامزد کر دیا ہے۔ ذرائع کے مطابق رمیز راجہ پی سی بی الیکشن میں مضبوط امیداوار ہوں گے جبکہ بورڈ آف گورنر چند روز میں الیکشن سے نئے چئیرمین کا انتخاب کرے گا۔ احسان مانی نے عہدے میں میں توسیع لینے سے معذرت کر لی۔ پاکستان کرکٹ بورڈ نے احسان مانی کے فیصلے کی تصدیق کر دی۔ ذرائع وزیراعظم ہاؤس کا کہنا ہے کہ وزیر اعظم نے رمیز راجہ کی بطور چیئرمین پی سی بی تعیناتی کی باقاعدہ منظوری دے دی۔ سابق کپتان رمیز راجہ نئے چیرمین ہوں گے۔ ذرائع پی سی بی کا کہنا ہے کہ رمیز راجہ کے متعلق ابھی کوئی نوٹیفکیشن موصول نہیں ہوا۔