اسلام آباد (پبلک نیوز) وزیراعظم عمران خان کی کوششیں رنگ لے آئیں، سری لنکا میں کورونا سے انتقال کرنیوالے مسلمانوں کی تدفین ہوسکے گی، وزیراعظم عمران خان کےدورے کے فوری بعد سری لنکا نے کورونا سے انتقال کرنے والے مسلمانوں کی تدفین کا نوٹیفیکشن جاری کردیا۔
میں سری لنکن حکومت کی جانب سے کوروناء (COVID-19) سے انتقال کر جانے والوں کی تدفین کی اجازت کے سرکاری فرمان (آفیشیل نوٹیفکیشن) کے اجراء کا خیر مقدم کرتا ہوں اور اس پر سری لنکن قیادت کا شکر گزار ہوں۔
— Imran Khan (@ImranKhanPTI) February 26, 2021
تفصیلات کے مطابق سری لنکن وزیر صحت نے نوٹیفیکشن میں کہا تدفین وزارت صحت کی جانب سے بتائے گئے احکامات کے مطابق کی جائے گی، ایس او پیز کے تحت مختص مقامات پر ہی تدفین ہوسکے گی۔
پرجوش خیرمقدم اور پُرعنایت میزبانی پر میں وزیراعظم جناب @PresRajapaksaاور سری لنکا کے عوام کا شکرگزار ہوں۔ ???????? ایک خاص دوست اور مضبوط شراکت دار ہے۔ میں اس تاثر سے متفق ہوں کہ دونوں ممالک کے مابین تعاون پر مبنی تعلقات استحکام و افزائش کی راہ پر باوقار پیش قدمی جاری رکھے ہوئے ہیں۔
— Imran Khan (@ImranKhanPTI) February 25, 2021
وزیراعظم نے سری لنکن حکومت کی جانب سے کورونا سے جاں بحق مسلمانوں کی تدفین کے نوٹیفکیشن کا خیر مقدم کیا اور انہوں نے کہا کہ کہا کورونا سے متاثر مسلمانوں کی تدفین کی اجازت دینے پر سری لنکن قیادت کے شکر گزار ہیں۔