صبا قمر اور ہمایوں سعید عمران خان کی حمایت میں سامنے آ گئے

فلم و ٹی وی انڈسٹری کے دو معروف اداکارصبا قمر اور ہمایوں سعید وزیراعظم عمران خان کی حمایت میں سامنے آ‌گئے. صبا قمر نے مائیکرو بلاگنگ سائٹ ٹوئٹر پر جاری کیے گئے پیغام میں کہا کہ یہ ایک شخص کی بات نہیں، یہ پاکستان کی بات ہے۔اداکارہ نے کہا کہ اللّٰہ تعالیٰ ہمارے وزیراعظم عمران خان کو کامیابی سے ہمکنار کرے، آمین۔

This is not about one person, this is about Pakistan. May Allah (SWT) bless our Prime Minister Imran Khan with success. Ameen @ImranKhanPTI #IamImranKhan

— Saba Qamar (@s_qamarzaman) March 27, 2022

معروف پاکستانی اسٹار ہمایوں سعید نے بھی اپوزیشن کے خلاف وزیرِ اعظم عمران خان کی حمایت کردی ہے۔ ہمایوں سعید نے مائیکرو بلاگنگ ویب سائٹ ٹوئٹر پر عمران خان کی ایک مونو کروم فوٹو شیئر کی ہے۔ اُنہوں نے اپنے ٹوئٹ میں لکھا ہے کہ’ وہ اس وقت سے عمران خان کے مداح ہیں جب وہ ایک کھلاڑی تھے اور ابھی بھی ان کی لیڈرشپ سے بہت متاثر ہیں‘۔اُنہوں نے مزید لکھا کہ’ان کی خواہش اور دعا ہے کہ عمران خان اپنی مدت پوری کریں‘۔

Have been a fan of @ImranKhanPTI since he was a sportsman and still an admirer of his leadership. I wish and pray that he completes his tenure. May Allah bless him #AmarBilMaroof @FaisalJavedKhan @fawadchaudhry pic.twitter.com/NIhqqDtg0k

— Humayun Saeed (@iamhumayunsaeed) March 26, 2022

واضح رہے کہ وزیراعظم عمران خان کے خلاف متحدہ اپوزیشن کی جانب سے قومی اسمبلی میں تحریک عدم اعتماد آنے کے بعد شوبز شخصیات پی ٹی آئی چیئر مین کی حمایت میں سامنے آ رہی ہیں،اس سے قبل اداکار منیب بٹ، اداکار خالد انعم، اداکار بلال قریشی اور پاکستانی فلم انڈسٹری کے سینئر اداکار شان شاہد نے بھی وزیراعظم کے حق میں ٹویٹ کی. اداکار بلال قریشی نے وزیراعظم عمران خان کے ساتھ یکجہتی کا اظہار کیا اور کہا کہ ’ عمران خان، سب سے پہلے تو آپ نے گھبرانا نہیں ہے‘۔ان کے علاوہ اداکار احمد علی بٹ نے عمران خان کو صادق اور امین قرار دیا .