’خاموش انتظامیہ ڈوبتا بلوچستان‘ سوشل میڈیا پر ٹاپ ٹرینڈ

سماجی رابطوں کی ویب سائٹ ٹوئٹر پر بلوچستان کے حالیہ سیلاب کے بعد انتظامیہ کی ہٹ دھرمی پر صارفین کی جانب سے مختلف ٹرینڈ ز چلائے جا رہے ہیں ، اس وقت ٹاپ ٹرینڈ خاموش انتظامیہ ڈوبتا بلوچستان کے ہیش ٹیگ سے چل رہا ہے جس پر ابتک 3 لاکھ سے زائد ٹوئٹس ہو چکی ہیں۔ تفصیلات کے مطابق صوبہ بلوچستان میں سیلاب سے بڑے پیمانے پر لوگوں کا جانی اور مالی نقصان ہوا ہے، انتظامیہ کی خاموشی پر یہ معاملہ ٹوئٹر پر زیر بحث ہے اور صارفین کی جانب سیلاب کی تباہی کے بعد کی تصاویر سامنے آ رہی ہیں جس کو دیکھ کر ہر انسان دکھی ہوجائے۔ ایک صارف کا کہنا ہے کہ تاریخ میں لکھا جائے گا کہ ایک وقت تھا جب ایک صوبہ موسلا دھار بارشوں سے بہت زیادہ متاثر ہوا تھا لوگ مررہے تھے اور املاک، مال مویشی اور زراعت سب سیلاب کی زد میں تھے لیکن ریاست اور اسکی تمام مشینری تخت لاہور بچانے گئے تھے۔

تاریخ میں لکھا جائے گا کہ ایک وقت تھا جب ایک صوبہ موسلا دھار بارشوں سے بہت زیادہ متاثر ہوا تھا
لوگ مررہے تھے اور املاک، مال مویشی اور زراعت سب سیلاب کی زد میں تھے

لیکن ریاست اور ان کے تمام مشنری تخت لاہور کو بچانے گئے تھے۔#خاموش_انتظامیہ_ڈوبتا_بلوچستان pic.twitter.com/B3jbxDQSmu

— Liaqat Ali baloch (@_0Liaqat_ali__) July 27, 2022

ایک ٹوئٹر صارف کا کہنا تھا کہ کیا چل رہا ہے؟ کیا بلوچستان کے لوگوں کو بچانے والا کوئی نہیں؟ کیا یہ پاکستانی نہیں ہیں؟ روحا علی نامی صارف لکھتی ہیں کہ حکومت پاکستان سے ہماری درخواست ہے، بلوچستان میں فوری امدادی کارروائیاں شروع کی جائیں، حالات بہت خراب ہیں۔

We have a request from the government of Pakistan
Start immediate relief operations in Balochistan
Conditions are very bad

#خاموش_انتظامیہ_ڈوبتا_بلوچستان pic.twitter.com/7wIzGLYgKv

— Roha Ali ⭐️ (@Roh_Ali93) July 28, 2022

یہ بچے ہمارے بچے ہیں، ہمارے ملک کا مستقبل ہیں۔ بلوچستان میں آفت کا وقت، قوم کی آزمائش کا وقت ہے۔ بلوچستان نے مجھے ہمیشہ کھلے بازوؤں اور کشادہ دل کے ساتھ خوش آمدید کہا ہے، میں اپنے بچوں کا دکھ بانٹنے اور مشکل وقت میں ان کے آنسو پونچھنے خود بلوچستان جا رہا ہوں۔ https://t.co/dK8SKwR5QZ

— Shahid Afridi (@SAfridiOfficial) July 28, 2022