اسلام آباد ہائیکورٹ نے کہا ہے کہ ڈپٹی کمشنر اسلام آباد کے پاس تھری ایم پی او جاری کرنے کا اختیار نہیں ہے۔ اسلام آباد ہائیکورٹ نے پی ٹی آئی رہنما شہریار آفریدی اور شاندانہ گلزار کی تھری ایم پی او کے تحت گرفتاری کے کیس میں شہریار آفریدی اور شاندانہ گلزار کی ایم پی او آرڈر کے خلاف درخواستیں منظور کرلیں۔ اسلام آباد ہائیکورٹ نے حکمنامے میں کہا کہ تھری ایم او اختیارات کا پی او 18، 1980 کا قانون غیر قانونی ہے، ڈپٹی کمشنر اسلام آباد کے پاس تھری ایم پی او جاری کرنے کا اختیار نہیں ہے۔ عدالت نے فیصلے میں کہا ہے کہ تھری ایم پی کا اختیار صرف وفاقی کابینہ کے پاس ہونا چاہیے۔ اسلام آباد ہائی کورٹ کے جسٹس بابر ستار نے محفوظ شدہ فیصلہ سنایا۔