ویب ڈیسک : لاگت 70 فیصد کم اور بجلی کی پیداوار کہیں زیادہ۔ سولر پینل کی دنیا میں انقلاب برپا کرنے والے دو طرفہ پینل تیار کرلیے گئے ہیں۔ کاغذ کی طرح پتلے سولر پینل جلد مارکیٹ میں متعارف کرائے جائیں گے۔
یونیورسٹی آف سرے، یونیورسٹی آف کیمبرج، چائنیز اکیڈمی آف سائنسز، زیدیان یونیورسٹی اور ژینگ زو یونیورسٹی نے یہ نئی قسم کا دو طرفہ سولر پینل تیار کیا ہے جو پیداواری لاگت کو کم کرنے کے لیے کاربن نینوٹیوبس کا استعمال کرتا ہے۔ یہ نینوٹیوبس الیکٹروڈز میں اگلے اور پچھلے پینل دونوں پر استعمال ہوتے ہیں۔
انہیں نینو ٹیوبز کہلانے کی وجہ ان کے انتہائی چھوٹے شکل کے عنصر کی وجہ سے ہے، جس کا قطر صرف 2.2 نینو میٹر ہے، یہی وجہ ہے کہ جب ان میں سے 45،000 نینو ٹیوبس کو ملا کر ایک سولر پینل بنایا جاتا ہے، تو یہ کاغذ کی چادر کی طرح پتلا ہوتا ہے۔
اپنے چھوٹے سائز کے باوجود، نینوٹیوبس فی مربع میٹر 36 ملی واٹ بجلی پیدا کر سکتے ہیں، جو تقریباً 360 واٹ فی مربع میٹر ہے۔ روایتی سولر پینلز عام طور پر 200 واٹ فی مربع میٹر تک محدود ہوتے ہیں۔
اس کا مطلب ہے کہ یہ نئے دو طرفہ سولر پینل نہ صرف سستے ہیں بلکہ زیادہ توانائی بھی پیدا کرتے ہیں۔ نئے متعارف کرائے جانیوالے سولر پینلز براہ راست سورج کی روشنی اور محیطی پھیلی ہوئی روشنی دونوں کا استعمال کرتے ہیں ۔
یہ متبادل پینلز توانائی پیدا کرنے میں 97 فیصد موثر ثابت ہوئے ہیں جبکہ ان کے مخصوص ڈیزائن کی بدولت وولٹیج بہت کم ضائع ہوتے ہیں یادرہے روایتی سولر پینلز کی کارکردگی 75 تا 95 فیصد کے درمیان ہوتی ہے۔