’ الیکشن کمیشن عملی طور پر وفاقی حکومت میں ضم ہو چکا ہے ‘

پاکستان تحریک انصاف ( پی ٹی آئی) کے رہنما فواد چوہدری کا کہنا ہے کہ الیکشن کمیشن عملی طور پر وفاقی حکومت میں ضم ہو چکا ہے ۔ تفصیلات کے مطابق سماجی رابطے کی ویب سائٹ ٹوئٹر پر پی ٹی آئی کے رہنما فواد چوہدری نے لکھا ہے کہ پاکستان میں ایک پلاننگ کے تحت جمہوریت مکمل ختم کی جارہی ہے ۔

الیکشن کمیشن عملی طور پر وفاقی حکومت میں ضم ہو چکا ہے ، پاکستان میں ایک پلاننگ کے تحت جمہوریت مکمل ختم کی جارہی ہے پہلے بنیادی حقوق معطل کئے گئے اب ادارے ختم کئے جا رہے ہیں، الیکشن کمشنر اور ان کے ساتھی پاکستان کے عوام کے ولن ہیں pic.twitter.com/YOs3BUzYaT

— Ch Fawad Hussain (@fawadchaudhry) December 30, 2022

پاکستان تحریک انصاف کے رہنما فواد چوہدری نے کہا کہ پہلے بنیادی حقوق معطل کئے گئے اور اب ادارے ختم کئے جا رہے ہیں ۔ فواد چوہدری کا ٹوئٹ میں مزید لکھنا تھا کہ الیکشن کمشنر اور ان کے ساتھی پاکستان کے عوام کے ولن ہیں ۔