خیبر پختون خوا کے ضلع کرم کے حلقہ این اے 45 کے غیر حتمی غیر سرکاری نتائج آنا شروع ہو گئے۔ این اے 45 کرم کے غیر حتمی غیر سرکاری نتائج آنا شروع ہو گئے،143 میں سے 25 پولنگ اسٹیشنز کے نتائج کے مطابق چئیرمین تحریک انصاف عمران خان 3 ہزار ووٹ لے کر آگے ہیں جبکہ پی ڈی ایم کے امیدوار ملک جمیل احمد خان 2 ہزار 270 ووٹ لے کر پیچھے ہیں۔ خیال رہے کہ این اے 45 کی نشست پر پاکستان تحریک انصاف کے رکن فخر زمان کے مستعفی ہونے سے خالی ہوئی تھی۔ خیبر پختون خوا کے ضلع کرم کے حلقہ این اے 45 میں ضمنی الیکشن کے سلسلے میں صبح 9 بجے سے شروع ہونے والی پولنگ شام پانچ بجے ختم ہوئی۔ اس حلقے پر چیئرمین پی ٹی آئی عمران خان اور پی ڈی ایم کے امید وار جمیل خان سمیت 16 امیدوارمیدان میں ہیں۔ عمران خان اور جمیل خان میں کاٹنے کا مقابلہ جاری ہے۔ ڈسٹرکٹ الیکشن کمشنر عبد الرؤف خان کا کہنا ہے کہ اس حلقے میں رجسٹرڈ ووٹرز کی تعداد 1 لاکھ 98 ہزار 618 ہے۔ حلقے کے 143 پولنگ اسٹیشنز میں سے 24 انتہائی حساس اور 119 کو حساس قرار دیا گیا ہے۔