اسلام آباد ہائیکورٹ نے نیشنل پریس کلب کے باہر دھرنا پر موجود بلوچ فیملیز کو ہٹانے سے روک دیا۔ اسلام آباد ہائی کورٹ نے حکمنامے میں کہا ہے کہ بلوچ مظاہرین کو ہراساں نہ کیا جائے ۔عدالت نے ڈپٹی کمشنر اور ایس ایس پی آپریشنز 5 جنوری کو ذاتی حیثیت میں طلب کرلیا۔ اسلام آباد ہائی کورٹ کے جسٹس محسن اختر کیانی نے احکامات جاری کیے۔بعد ازاں عدالت کی جانب سے بلوچ مظاہرین کو ہراساں کرنے کے خلاف کیس کی سماعت 5 جنوری تک ملتوی کر دی گئی۔