پاکستان بھر میں آج مقبوضہ کشمیر کی خصوصی حیثیت ختم کرنے کے حوالے سے یوم استحصال منایا جا رہا ہے۔ اس سلسلہ میں علامتی واک کی گئی جس میں قائم مقام چیئرمین سینیٹ مرزا محمد آفریدی سمیت حکومتی وزراء اور عہدیدار شریک ہوئے۔ صدر مملکت عارف علوی نے کہا ہے کہ بھارت نے بین الاقوامی قانون اور اقدار کی خلاف ورزی کرتے ہوئے 5 اگست 2019ء کو مقبوضہ جموں و کشمیر میں یکطرفہ کارروائی کی۔ بھارت نے مقبوضہ جموں و کشمیر میں آبادی کا تناسب بدلنے کی کوشش کی۔ سربراہ پاک فوج جنرل قمر جاوید باجوہ نے کہا ہے کہ مقبوضہ کشمیر میں ریاستی جبر اور غیرانسانی محاصرہ جاری ہے۔ مسئلہ کشمیر کا حل نہ ہونے خطے کے لیے خطرہ ہے۔ سندھ کابینہ میں اہم ردو بدل کا فیصلہ، صوبائی وزیر سہیل انور سیال، ہری رام کشوری، اسماعیل راہو اور مشیر نثار کھوڑو کو فارغ کرنے کا فیصلہ کیا گیا۔ ان کی جگہ جام خان شورو، ساجد جوکھیو، ضیاعباس شاہ لیاقت آسکانی، ریاض شاہ شیرازی اور ارباب لطف اللہ کو کابینہ شامل کیے جانے کا امکان ہے۔ ملک میں کورونا کے مثبت کیسز کی شرح 9 فیصد سے تجاوز کر گئی. گزشتہ 24 گھنٹوں میں 60 مریض زندگی کی بازی ہار گئے ہیں. این سی او سی کے نئے اعدادوشمار سے تشویش کی لہر دوڑ گئی.