اسلام آباد: وزارت خزانہ نے عام انتخابات کیلئے الیکشن کمیشن کو مزید فنڈز جاری کردیے ۔ وزارت خزانہ کی جانب سے جاری اعلامیے میں بتایا گیا ہے کہ الیکشن کمیشن کو 17 ارب 40 کروڑروپے جاری کردیے گئے ہیں۔ اعلامیے کے مطابق وزارت خزانہ نے اس سے قبل دس ارب روپے جاری کیے تھے اور اب مجموعی طور پر الیکشن کمیشن کو 27 ارب 40 کروڑ جاری کیے جاچکے ہیں۔ خیال رہے کہ بجٹ میں الیکشن کیلئے 42 ارب روپے مختص کیے گئے تھے، الیکشن کمیشن نے فنڈز کا اجرا نہ ہونے پر گذشتہ روز سیکرٹری خزانہ کو طلب کیا تھا۔