کراچی (پبلک نیوز) شہر قائد میں بھی انسدادِ تجاوزات آپریشن کوسیاست کا تڑکا، قائد حزب اختلاف سندھ اسمبلی حلیم عادل شیخ کا فارم ہاؤس بھی مسمار۔
دوران آپریشن ملیرکے علاقے میمن گوٹھ اور دیہہ کھاکڑ، کونار، طور، کارخارو اور مالھ میں تعمیرات مسمار کی گئیں۔ انتظامیہ کے مطابق آپریشن تیس سالہ لیز کی خلاف ورزی پر کیا گیا۔ انتظامیہ نے دعویٰ کیا کہ یہ زمینیں صرف زرعی کاشت ، ڈیری یا پولٹری فارمنگ کے لیے لیز پر دی گئی تھیں لیکن غیرقانونی طور پر انہیں کمرشل استعمال کے لیے فروخت کردیا گیا۔
انٹی اینکروچمنٹ سیل نے ملیر میں واقع پاکستان تحریک انصاف کے رہنماء حلیم عادل شیخ کے فارم ہاوسز مسمار کردیے۔ pic.twitter.com/ZA92QeiDot
— Naimat Khan (@NKMalazai) February 6, 2021
آپریشن کے دوران مظاہرین نے شدید احتجاج کرتے ہوئے اہلکاروں پر پتھراو جس سے ہیوی مشینری کے شیشے ٹوٹ گئے۔ پولیس اہلکار بھاگ کھڑے ہوئے۔ اپوزیشن لیڈر سندھ حلیم عادل شیخ خود بھی صورتحال کاجائزہ لینے کے لیے پہنچے۔ مشتعل افرادنے فارم ہاؤس کے خلاف ہونیوالی کاروائی رکوادی۔
آپریشن ایک ہفتہ تک جاری رہے گا جس میں200 سے زائد فارم ہاوس مسمار کئے جائیں گے۔ بیشترفارم ہاوس سیاسی ،مذہبی شخصیات اور پولیس افسران کی مالکیت میں شامل ہیں۔