کولمبو: ایشیا کپ کے وینیو سے متعلق رواں ہفتہ انتہائی اہم ہے کیونکہ اسی ہفتے ایشین کرکٹ کونسل ایونٹ کے بارے میں حتمی اعلان کرے گی ۔ تفصیلات کے مطابق بی سی سی آئی نے پاکستان کے ہائبرڈ ماڈل کو مسترد کردیا ہے جب کہ اب ہندستان ایشیا کپ پاکستان سے باہر کروانا چاہتا ہے، بھارتی کرکٹ بورڈ کی خواہش یہ ہے کہ ایشیا کپ کی میزبانی سری لنکا کو دی جائے۔ پی سی بی نے بھی ایشیا کپ کے لئے ہائبرڈ ماڈل پر عملدرآمد نہ ہونے پر ایونٹ کا بائیکاٹ کرنے کا کہا ہے، ایشیا کپ اس سال ستمبر میں پاکستان میں شیڈول ہے۔