تھائی لینڈ میں ڈے کیئر سینٹر پر سابق پولیس افسر کے حملے میں 23 بچوں سمیت 34 ہلاک ہوگئے جبکہ 12 افراد زخمی بھی ہوئے ہیں۔ غیر ملکی خبر رساں ادارے کے مطابق تھائی لینڈ میں پولیس کا کہنا ہے کہ ایک چائلڈ ڈے کیئر سینٹر پر ایک سابق پولیس اہلکار کے حملے میں 23 بچوں سمیت کم از کم 34 افراد ہلاک ہو گئے ہیں۔ اس حملے میں 12 افراد زخمی بھی ہوئے ہیں۔ پولیس کا کہنا ہے کہ اس حملے کے بعد جب ملک کے شمال مشرقی صوبے نونگ بوا لامفو میں ملزم کی تلاش کے لیے آپریشن کیا گیا تو حملہ آور نے اپنے اہلخانہ کو ہلاک کرنے کے بعد خودکشی کر لی۔ پولیس کے مطابق حملہ آور سابق پولیس اہلکار ہے جسے گزشتہ سال منشیات کے الزام میں اس کے عہدے سے برطرف کر دیا گیا تھا۔ پولیس نے بتایا کہ وہ منشیات کے الزام میں مقدمے کا سامنا کر رہا تھا اور شوٹنگ سے چند گھنٹوں پہلے عدالت میں تھا۔