لاہور: چیئرمین پی ٹی آئی عمران خان پر قاتلانہ حملہ کرنے والے ملزم نوید کے موبائل فون کی فارنزک رپورٹ پبلک نیوز نے حاصل کر لی ہے ۔ فورانزک رپورٹ کے مطابق ملزم کے فون سے دو مختلف کمپنیز کی سمز برآمد ہوئیں ہیں ، وٹس ایپ گروپ میں ایک نمبر علی رضا کے نام سے محفوظ تھا ، ملزم کے فون سے 138 فون نمبرز اور 18 سو 69 کالز کا ریکارڈ ملا ہے ۔ رپورٹ میں بتایا گیا ہے کہ ملزم کے فون سے 337 ایس ایم ایس ، 1956 تصاویر ،499 گفتگو کی کالز اور 212 ویڈیوز مل گئیں ہیں ۔ ملزم کے فون سے ڈیلیٹ کیا گیا ڈیٹا نہیں ریکور کیا جا سکا ہے ۔ رپورٹ کے مطابق ملزم نوید کے فون کا تمام آڈیو اور وڈیو کی ڈی وی ڈی بناکر جے آئی ٹی کے حوالے کر دیا گیا ہے ۔