اسلام آباد: ذرائع کے مطابق نگران وزیراعظم کی تقرری کے معاملے پر وزیر اعظم اور اپوزیشن لیڈر کے درمیان حتمی مشاورت کل ہونے کا امکان ہے۔ ذرائع نے بتایا ہے کہ اپوزیشن لیڈر راجا ریاض کل وزیر اعظم شہباز شریف سے حتمی مشاورت کریں گے، ملاقات میں نگران وزیر اعظم کانام فائنل کیا جائے گا۔ ذرائع کا کہنا ہے کہ ملاقات میں کسی ایک نام پر اتفاق نہ ہونے کی صورت میں معاملہ پارلیمانی کمیٹی کو بھجوایا جائے گا، وقت کی قلت کے باعث اس مرتبہ پارلیمانی کمیٹی کو بائی پاس کیا جا سکتا ہے، پارلیمانی کمیٹی کے بھی نگران وزیراعظم نہ چننے کی صورت میں معاملہ الیکشن کمیشن کو بھجوا دیا جائے گا۔ ذرائع کے مطابق وزیر اعظم ، اپوزیشن لیڈر ملاقات میں حتمی نام سامنے آنے کا امکان ہے۔