پنجاب میں الیکشن شیڈول کا اعلان خوش آئند، خدا کرے موخر نہ ہوں، شیخ رشید احمد

لاہور: سربراہ عوامی مسلم لیگ شیخ رشید احمد کا کہنا ہے کہ پنجاب میں الیکشن شیڈول کا اعلان خوش آئند ہے، خدا کرے موخر نہ ہوں ۔ تفصیلات کے مطابق سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر داخلہ شیخ رشید احمد نے لکھا ہے کہ بظاہر حکومت الیکشن کرانے کے موڈ میں نہیں ہے ، یہ توہین عدالت کا بڑا رسک لینے جا رہی ہے ، اب آنے والے دنوں میں سیاست کے فیصلے عدالتوں میں ہوں گے، حکومت سیاسی اور معاشی استحکام نہیں صرف اپنے ذاتی مفاد کو دیکھ رہی ہے ۔

10مہینےہوگئےہیں IMFسےابھی تک مذکرات جاری ہیں اورنتیجہ نہیں نکل رہاPTIکی پہلےدن الیکشن کمپین میں ایک کارکن جابحق ہوگیاجس دن انتخابی شیڈول آرہاہےاُسی دن دفعہ144لگائی جارہی ہےKPKمیں سپریم کورٹ کےفیصلےکوگورنرعزت نہیں دےرہااورسپریم کورٹ کےفیصلوں کی سازش کےتحت تاخیر کررہاہے

— Sheikh Rashid Ahmed (@ShkhRasheed) March 9, 2023

ان کا کہنا تھا کہ نگران حکومتیں منتخب حکومتوں سے دو ہاتھ آگے چلی گئیں ہیں ، ان کا کام الیکشن کروانا ہے ، من پسند راستہ بنانا نہیں ہے ، عمران خان اور تحریک انصاف کو روکنے کا ہر کام حکومت کے گلے الٹا ہی پڑتا ہے ، پیمرا کی پابندیاں قوم کو ٹیلی ویژن کی بجائے سوشل میڈیا پر لے جائیں گی۔ سابق وفاقی وزیر کا کہنا تھا کہ پی ٹی آئی کی پہلے دن الیکشن مہم میں ایک کارکن جاں بحق ہوگیا، جس دن انتخابی شیڈول آ رہا ہے، اسی دن دفعہ 144 لگائی جا رہی ہے، اسلام آباد میں لاٹھی چارج ہو رہا ہے، بلاول بھٹو زرداری امریکا میں عورت مارچ کی قیادت کر رہے ہیں۔

بلاول امریکہ میں عورت مارچ کی قیادت کررہاہےاوراسلام آباد مارچ میں لاٹھی چارج ہورہاہےبظاہرحکومت الیکشن کرانےکے موڈمیں نہیں یہ توہین عدالت کا بڑارسک لینےجارہی ہےاب آنےوالےدنوں میں سیاست کےفیصلےعدالتوں میں ہوں گے حکومت سیاسی اورمعاشی استحکام نہیں صرف اپنےذاتی مفادکودیکھ رہی ہے

— Sheikh Rashid Ahmed (@ShkhRasheed) March 9, 2023

سربراہ عوامی مسلم لیگ نے مزید کہا کہ خیبر پختونخوا میں سپریم کورٹ کے فیصلے کو گورنر عزت نہیں دے رہا اور سپریم کورٹ کے فیصلوں کی سازش کے تحت تاخیر کر رہا ہے، 10 مہینے ہوگئے ہیں آئی ایم ایف سے ابھی تک مذاکرات جاری ہیں اور نتیجہ نہیں نکل رہا۔