اسلام آباد(پبلک نیوز) کورونا ویکسین طلبہ کیلئے لازمی قرار دیدی گئی، 12 سال کی عمر کے طلبہ کو ویکسینیشن لازمی طور پر کروانی ہوگی. ڈائریکٹوریٹ آف پرائیوٹ اسکولز کا نیا حکم نامہ جاری کر دیا گیا، طلبا کی ویکسینیشن کی عمر میں مزید کمی کر دی گئی. اس سے قبل 15 سال کی عمر کے طلبا کو ویکسینیشن لازمی قرار دی گئی تھی تاہم اب 12 اور اس سے زائد عمر کے طلبا کے لیے ویکسینیشن کو لازمی قرار دے دیا گیا ہے. ڈسٹرکٹ ہیلتھ افسر کی نگرانی میں ویکسینیشن کے عمل کو یقینی بنایا جائیگا جبکہ ویکسینیشن مہم کے دوران ڈاٸیریکٹوریٹ آف اسکولز کی ٹیم دورہ کرے گی.