اسلام آباد: کابینہ ڈویژن کی جانب سے عمران خان اور انکی کابینہ کو ڈی نوٹیفائی کرنے کا نوٹیفکیشن جاری کردیا گیا ہے۔ تفصیلات کے مطابق کابینہ ڈویژن نے عمران خان کو بطور وزیر اعظم اور ان کی 52 رکنی کابینہ کو ڈی نوٹیفائی کرنےکا نوٹیفکیشن جاری کردیا۔ نوٹیفکیشن وزارت پارلیمانی امور اور وزارت قانون سے مشاورت کے بعد جاری کیا گیا ہے۔ ڈی نوٹیفائی ہونے والوں میں 25 وزراء شامل ہیں ، جبکہ فارغ ہونے والوں میں 4 وزرائے مملکت ، 4 مشیر بھی شامل ہیں۔اس کے علاوہ سابق وزیراعظم عمران خان کے 19 معاونین خصوصی بھی ڈی نوٹیفائی ہوگئے ہیں ۔