وزیراعظم کا کہنا تھا کہ مودی سرکار کا انتہا پسندانہ ایجنڈا خطے کے امن کے لئے خطرہ ہے۔دسمبر میں ہندوتوا شدت پسندوں کےایک اجتماع میں بھارت میں اقلیتوں خصوصاً 20 کروڑ مسلمانوں کے قتلِ عام کیلئےدی جانےوالی کال پر مودی سرکار کی پیہم خاموشی اس سوال کو جنم دیتی ہےکہ آیا BJP کی حکومت اس پکار کی حامی ہے۔ وقت کی نزاکت کا تقاضاہےکہ عالمی برادری اسکا نوٹس لےاور کارروائی کرے۔
— Imran Khan (@ImranKhanPTI) January 10, 2022
اسلام آباد ( پبلک نیوز) پاکستان کے وزیراعظم عمران خان نے کہا ہے کہ بھارت میں اقلیتوں کی نسل کشی پر اکسانے والی ہندوتوا کانفرنس کے خلاف مودی سرکار کی مسلسل خاموشی پر بہت بڑا سوالیہ نشان ہے، وقت آ گیا ہے کہ بین الاقوامی برادری نوٹس لے۔ مودی سرکار پر کڑی تنقید کرتے ہوئے ان کا کہنا تھا کہ ہندوتوا سمٹ میں 20 کروڑ مسلمانوں کی نسل کشی کی بات کی گئی ہے۔ سوال یہ ہے کہ کیا بی جے پی اس نسل کشی کی حمایت کرتی ہے؟ انتہا پسند نظریات رکھنے والی بی جے پی مودی سرکار کے دور میں ہندوتوا گروہ اقلیتوں کو نشانہ بنا رہے ہیں۔