سکھر (پبلک نیوز) پاکستان پیپلز پارٹی کے سیکریٹری جنرل سید نیر حسین بخاری نے کہا ہے کہ نیب سید خورشید شاہ کو خاندان سمیت ہراساں کر رہا ہے۔ خورشید شاہ دو سال سے قید ہیں مگر ان کے خلاف تحقیقات مکمل نہیں ہوئیں۔ خورشید شاہ کے فرزند، پاکستان پیپلز پارٹی کے رہنما اور رکن سندھ اسمبلی فرخ شاہ کی گرفتاری پر رد عمل دیتے ہوئے ان کا کہنا تھا کہ جہانگیر ترین کی گرفتاری ضروری نہیں، فرخ شاہ کی گرفتاری ضروری ہے۔سید نیر حسین بخاری نے کہا کہ پی ٹی آئی کرپٹ عناصر کی باقیات کی انجمن ہے۔ نیب چینی اور آٹے کا بحران پیدا کرکے لوٹ مار کرنے والوں کے خلاف کارروائی سے ڈرتا ہے۔ خورشید شاہ کا جرم یہ ہے وہ چیئرمین بلاول بھٹو زرداری کے ساتھ کھڑے ہیں۔