Get Alerts

اعظم خان سواتی کا 2 روزہ جسمانی ریمانڈ منظور

اعظم خان سواتی کا 2 روزہ جسمانی ریمانڈ منظور
اسلام آباد ڈسٹرکٹ سیشن کورٹ نے پی ٹی آئی کے سینیٹر اعظم خان سواتی کا دو روزہ جسمانی ریمانڈ منظور کرلیا ہے۔ ایف آئی اے کی جانب سے اعظم سواتی کے 7 روزہ جسمانی ریمانڈ کی استدعا کی گئی ہے، اعظم سواتی کو گذشتہ رات ایف آئی اے سائبر کرائم سیل نے گرفتار کیا تھا، وکلا کے مطابق اعظم سواتی کو صرف سیاسی بنیادوں پر گرفتار کیا گیا ہے اور ان پر تشدد کیا گیا، انہوں نے یہ الزام بھی لگایا کہ اعظم سواتی پر رات گئے بدترین تشدد کیا گیا ہے۔ عدالت نے سابق وفاقی وزیر اعظم خان سواتی کا پمز اسپتال میں میڈیکل کرانے کا حکم دیا ہے، ایف آئی اے اعظم سواتی کو لیکر پمز اسپتال کی طرف روانہ ہو گئے ہیں۔ میڈیا سے گفتگو کے دوران سینیٹر اعظم خان سواتی کا کہنا تھا کہ میں نے آئین اور قانون کی خلاف ورزی نہیں کی، مجھے ایف آئی اے نے گرفتار کیا ہے، انہوں نے یہ الزام لگایا کہ مجھ پر تشدد ایجنسیوں نے کیا ہے اور انہوں نے مجھے ایک ٹویٹ کرنے پر گرفتارکیا ہے۔ تحریک انصاف کے رہنما اسد عمر سماجی رابطے کی ویب سائٹ ٹوئٹر میں لکھا ہے کہ سینیٹر اعظم سواتی کی گرفتاری قابلِ مذمت ہے.ان کو فوری طور پر رہا کیا جائے۔ پی ٹی آئی کی رہنما شیریں مزاری کا کہنا ہے کہ فاشسٹ حکومت نے ایک بار پھر کسی بھی جمہوری تنقید پر عدم برداشت کا مظاہرہ کیا، سینیٹر اعظم سواتی کی گرفتاری شرمناک اور قابل مذمت اقدام ہے، اعظم سواتی کی گرفتاری پر گہرے سائے منڈلا رہے ہیں۔ وکیل بابراعوان کہتے ہیں کہ آج فاسشٹ حکومت نے ایک اور سینئر سینیٹر کو اٹھایا ہے، گرفتاری کے وقت اعظم سواتی کو کہا گیا ہم ایف آئی اے سے ہیں، سینیٹر سیف اللہ کو پہلے اور آج اعظم سواتی کو اٹھایا، کہیں ایسا نہ ہو کسی دن یہ معلوم ہو کہ چیئرمین بھی گمشدہ افراد کی فہرست میں چلے گئے، حکمران غیر ملکی کندھے استعمال کرتے ہوئے اقتدار میں آئے ہیں، انہوں نے کہا کہ یہ حکومت ساڑھے 7 کلو میٹر کی حدود پر ہے۔

Watch Live Public News

شیئر کریں:

احمد علی

ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔

مزید خبریں

پاکستان