اسلام آباد(پبلک نیوز) ترجمان دفتر خارجہ نےداسو حملے سے لاتعلقی کا بھارتی دعوی مسترد کر دیا. ترجمان دفتر خارجہ زاہد حفیظ چوہدری نے ایک بیان میں کہا ہے کہ پاکستان بھارتی وزارت خارجہ کے مضحکہ خیز دعوے کو کلی طور پر مسترد کرتا ہے، کئی بار پاکستان میں بھارت کی طرف سے دہشتگردی کی منصوبہ بندی، سرپرستی اور مالی امداد کے ناقابل تردید ثبوت پیش کئے، پاکستان نے بھارتی دہشتگردی کے ثبوتوں کا ایک مفصل ڈوزئیربھی گذشتہ برس عالمی برادری کو پیش کیا. ترجمان دفتر خارجہ نے کہا کہ حال ہی میں لاہور حملے میں بھارت کے ملوث ہونے کا بھی ثبوت پیش کیا گیا، کمانڈر کلبھوشن جادیو بھارتی ریاستی دہشتگردی کا سب سے جان پہچانا اور ناقابل تردید ثبوت ہے، کمانڈر کبھوشن جادیو کو مارچ 2016 میں رنگ ہاتھوں پکڑا گیا تھا،بھارت مکمل طور پر بےنقاب ہو چکا ہے، بھارت کی طرف سے تردید اور جھوٹے بیانئے کی گردان حقیقت کو بدل نہیں سکتی، بھارت سے مطالبہ کرتے ہیں کہ وہ ریاستی دہشتگردی کو بطور پالیسی اپنانا چھوڑ دے، پاکستان علاقائی امن و سلامتی کو خطرے میں ڈالنے والے بھارتی ہتھکنڈوں کا مقابلہ کرتا رہے گا.