پاکستان کےسفیر کی کرغیزستان کےنائب وزیر خارجہ سےملاقات،حالات معمول پرآنےکادعویٰ

ویب ڈیسک:کرغیزستان میں پاکستانی طلباء کو زبردستی ہاسٹلز اور اپارٹمنٹس سے نکالا جا رہا ہے۔

تفصیلات کے  مطابق سماجی رابطے کی ویب سائٹ ٹوئٹر(ایکس) میں کرغیزستان سے ایک طالبعلم کی ویڈیوموصول ہوئی  ہے جس میں طالبعلم نے کہا ہے کہ ہمیں یہ کہتے ہیں کہ ہوسٹل خالی کردو۔ ہمارے ساتھی زخمی ہیں باہر بارش ہو رہی ہے ہم کہاں جائیں گے؟ ایمبیسی والے بھی تعاون نہیں کررہے۔

رپورٹ کے مطابق شر پسندوں کی جانب سے فلیٹ اپارٹمنٹ مالکان اور ہاسٹل انتظامیہ کو دھمکیاں دی گئیں ہیں کہ ہاسٹلز فوری طور پر خالی کروائے جائیں جس پر انھوں نے ہاسٹلز خالی کروا لیے ہیں۔ کچھ شر پسند ہاسٹلز کی ویڈیو بنا کر بھی لے گئے ہیں اور دوبارہ حملے کی دھمکی دی گئی ہے۔

کرغزستان میں پاکستانی طلبا کو زبردستی ہاسٹلز اور اپارٹمنٹس سے نکالا جا رہا ہے۔ pic.twitter.com/o9LAHADk73

— Qamar Maken (@QamarMakenViews) May 18, 2024

ہمیں یہ کہتے ہیں کہ ہوسٹل خالی کردو۔ ہمارے ساتھی زخمی ہیں باہر بارش ہو رہی ہے ہم کہاں جائیں گے؟ ایمبیسی والے بھی تعاون نہیں کررہے۔ کرغستان سے موصول ہوئی ایک طالبعلم کی ویڈیو pic.twitter.com/2KBQuAOMQn

— Salman Durrani (@DurraniViews) May 18, 2024

ویب ڈیسک:کرغیزستان کے شہر بشکیک میں ہارون آباد سے تعلق رکھنے والے تقریباً 200 سے زائد طالب علم پھنس گئے جبکہ 1000طلباء کا تعلق خیبرپختونخواہ سے ہے۔

تفصیلا ت کے مطابق پاکستانی طلباء اور انٹرنیشنل یونیورسٹی کے طلباء کے ہاسٹلز پر لوکلز کی جانب سے حملہ کیا گیا۔

ہارون آباد

ہارون آباد سے تعلق رکھنے والے پاکستانی طلباء کا کہنا ہے کہ حملوں میں مبینہ طور پر کچھ طالب علموں کی ہلاکت کی اطلاعات ہیں،لوکلز پاکستانی طلباء کے ہاسٹلز اور گھروں پر حملے کر کے توڑ پھوڑ کررہے ہیں۔ہماری سیکیورٹی کو یقینی بنانے کے لئے اقدامات کئے جائیں۔

بہاولنگر

طلباء کا کہنا ہے کہ گورنمنٹ سے اپیل کرتے ہیں کہ کرغیزستان کے ساتھ سفارتی طور پر رابطہ کیا جائے،بشکیک میں اس وقت 200 سے زائد میڈیکل کے طالب علم ہیں جن کا تعلق بہاولنگر سے ہے۔

نارووال

کرغیزستان میں گشیدگی،نارووال کے بھی بچے متاثر ،کرغیزستان میں ہونے والے پرتشدد واقعات،نارووال کایتیم اظہوربھی شامل ہیں۔جووہاں اعلی تعلیم حاصل کرنے گئے ہوئے ہیں. احترام ڈیورڈ ایم بی بی ایس کی تعلیم حاصل کرنے گیا ہواہے۔

بچے کی دادی اوربہن بھائی کشیدگی سے پریشان ہیں۔

بھائی کا کہنا ہے کہ میرے بھائی نے بتایاکہ یہاں پاکستانی طلبا و طالبات کونشانہ بنایا جارہاہے،بچے کے والدین ڈیڑھ ماہ کے وقفے سے فوت ہوگئے بچہ والدہ کی ریٹائرمنٹ کے پیسوں سے تعلیم حاصل کرنے گیاہواہے۔ایشین یونیورسٹی نے طالب علموں کوکمروں میں بند رہنے کی ہدایات کی ہے۔
اہل خانہ نے وزیر اعظم پاکستان میاں شہبازشریف سے نوٹس لینے کامطالبہ کردیا۔

کبیروالا
کرغستان میں مقیم پاکستانی نوجواں شدید مشکلات کا شکار  ہیں،کبیروالا سے تعلق رکھنے والے 3 سے چار طالبعلم اس وقت بھی اپنے فیلٹس میں موجود ہیں،کبیروالا عون رضا کھرل نے اپنے وڈیو بیان میں بتایا کہ حالات شدید ترین خراب ہیں۔پاکستانی ہوسٹلوں پر حملہ کر کے متعد افراد کو شدید زخمی کر دیا۔

طالبعلم  کا کہنا ہے کہ پاکستان ایمبیسی ہمارے ساتھ تعاون نہی کر رہی،پاکستانی حکومت ہماری والپسی کا بندوبست کروائے۔

ویب ڈیسک: وزیراعظم شہباز شریف نے کرغزستان میں پاکستان کے سفیر حسن علی زیغم سے ٹیلی فونک رابطہ کیا اور پاکستانی طلباء کو مکمل مدد اور معاونت فراہم کرنے کی ہدایت کی۔ 
تفصیلات کے مطابق وزیراعظم کے دفتر کی جانب سے جاری بیان کے مطابق وزیراعظم نے بشکیک میں پاکستانی سفیر سے تازہ ترین صورتحال سے آگاہی حاصل کی اور انہیں ہاسٹلز کا دورہ کرکے پاکستانی طلباء سے ملاقات کی ہدایت کی۔

پاکستانی سفیر نے وزیراعظم کو مطلع کیا کہ واقعے میں کوئی پاکستانی جاں بحق نہیں ہوا۔ پاکستانی سفارت خانہ زخمی طلباء کی معاونت کررہا ہے۔

وزیراعظم نے سفیر کو طلباء کے والدین کے ساتھ مسلسل رابطے میں رہنے، بروقت معلومات فراہم کرنے، زخمی طلباء کو ہرقسم کی طبی سہولیات فراہم کرنے اوروطن  واپس آنے کے خواش مند زخمی طلباء کی فوری واپسی کے انتظامات کرنے کی ہدایت کی۔

وزیراعظم شہباز شریف نے کہا کہ کرغیزستان میں صورتحال کی خود نگرانی کر رہا ہوں۔ اس صورتحال میں اپنے طلباء کو بالکل اکیلا نہیں چھوڑیں گے. ہماری حکومت، کرغیزستان کی حکومت کے ساتھ بھی رابطے میں ہے۔

ویب ڈیسک:ترجمان دفتر خارجہ ممتاز زہرا بلوچ نے ایکس بیان میں کہا ہے کہ کرغزستان میں پاکستان کے سفیر حسن ضیغم اور انکی ٹیم ایمرجنسی نمبروں پر موجود ہے،فراہم کردہ دونوں نمبرز واٹس ایپ پر بھی موجود ہیں۔

تفصیلات کے مطابق ترجمان دفتر خارجہ نے سماجی رابطے کی ویب سائٹ ٹوئٹر(ایکس) میں کہا ہے کہ کرغزستان میں پاکستان کے سفیر حسن ضیغم اور انکی ٹیم ایمرجنسی نمبروں پر موجود ہے،فراہم کردہ دونوں نمبرز واٹس ایپ پر بھی موجود ہیں۔انہوں نے اب تک طلباء اور انکی فیملیز کی سینکڑوں ٹیلی فون کالز کا جواب دیا ہے۔

ترجمان  دفتر خارجہ  نے کہا کہ ایسی صورت حال میں کالز کی ٹریفک زیادہ ہونے کے باعث نمبرز پر رابطہ نہ ہوسکے تو میسج یا واٹس ایپ میسج کردیں، کرغزستان میں پاکستانی سفارتخانے کی جانب سے ایمرجنسی رابطہ نمبرز فراہم کئے گئے ہیں۔
+996555554476
+996507567667

وزارتِ خارجہ 

ترجمان دفترخارجہ کا کہنا ہے کہ  نائب وزیراعظم اور وزیر خارجہ محمد اسحاق ڈار کی ہدایت پر وزارت خارجہ نے اپنے کرائسز مینجمنٹ یونٹ کو فعال کر دیا ہے،  جمہوریہ کرغیز میں پاکستانی شہری اور ان کے اہل خانہ درج ذیل نمبروں پر یونٹ سے رابطہ کر سکتے ہیں۔

0519203108
0519203094

Emergency contact numbers of Embassy of Pakistan:
+996555554476
+996507567667 https://t.co/agTCq3JjI5

— Pakistan Embassy Kyrgyzstan (@PakinKyrgyzstan) May 17, 2024

ویب ڈیسک: کرغزستان کے دارالحکومت بشکیک میں پاکستانی طلبا کے ہاسٹلز پر حملوں کی فوٹیج سامنے آگئی۔
سینئر صحافی بشیر چودھری کی جانب سے سماجی رابطے کی سائٹ پر پوسٹ کی جانے والی ویڈیو میں نظر آرہا ہے کہ ڈنڈوں لاٹھیوں سے لیس مصری طلبا کا ایک جھنڈ معصوم پاکستانی طلباپر حملہ آور ہے ۔ ویڈیو میں نظر آنے والے مناظر دردناک ہیں ۔

کرغزستان کے دارالحکومت بشکیک میں پاکستانی طلبا کے ہاسٹلز پر مصری طلبا کے حملوں میں متعدد پاکستانی طلبا زخمی۔۔ مصری طلبا گروپس کی شکل میں ایک سے دوسرے اور دوسرے سے تیسرے ہاسٹلز جا کر پاکستانی طلبا کو مارتے رہے۔ pic.twitter.com/Z4LlcMGtUT

— Bashir Chaudhary (@Bashirchaudhry) May 18, 2024