وزیراعظم کابشکیک میں پاکستانی سفیرکوفون،طلبا کو مکمل مدد فراہم کرنےکی ہدایت

ویب ڈیسک: اسلامی جمیعت طلبہ کا  کرغیزستان میں پاکستانی طلبا و طالبات پر تشدد کے خلاف کرغیزستان کایمبیسی کے باہر احتجاج کیا۔

تفصیلات کے مطابق  مظاہرین کی جانب سے کرغیزستان ایمبیسی کے باہر نعرے بازی  لگا دی گئی۔مظاہرین کا کہنا ہے کہ ہم معصوم طلبا کا ساتھ دینے کیلئے کرغزستان ایمبیسی کے باہر موجود ہیں،والدین کا اپنے بچوں سے رابطہ نہیں ہورہا،ہم پاکستانی طلباء کے ساتھ رابطے میں ہیں۔پاکستانی طلباء وطالبات کو اس وقت تحفظ اور مدد کی ضرورت ہے ۔

مظاہرین نے مزید کہا کہ طلباء کی جانوں کو اس وقت شدید خطرات لاحق ہیں،مقامی لوگ پاکستانی طلباء کو ہاسٹلز سے نکال رہے ہیں،حکومت فی الفور پاکستانی طلباء کو تحفظ فراہم کرے۔

احتجاج کی اطلاع ملتے ہی پولیس کی نفری کرغیزستان سفارت خانے کے باہرپہنچ گئی اور سفارت خانے کے اردگرد خاردار تاریں لگا دیں۔

کرغستان میں رات پاکستانی طلبہ پر مقامی لوگوں کے حملوں کے بعد اسلام آباد پاکستان میں کرغستان کے سفارت خانے کے باہر کی صورتحال _ !!! pic.twitter.com/A4PSEqh4KT

— Ehtsham Kiani (@ehtshamkiani) May 18, 2024

قبل ازیں امیر جماعت اسلامی حافظ نعیم الرحمٰن نے کرغزستان تشدد معاملے پر ایک بیان جاری کیا تھا جس میں انہوں نے کہا تھا کہ ‏کرغزستان میں ہمارے بچوں پر حملے ہورہے ہیں، کچھ طلبا کے شہید ہونے کی بھی اطلاعات ہیں۔

 امیر جماعت اسلامی پاکستان نے ایکس پر جاری اپنے پیغام میں کہا کہ ویڈیوز اور تصاویر میں دیکھا جاسکتاہے کہ صورتحال انتہائی تشویش ناک ہے، پاکستانی سفارت خانہ بچوں کی کالز تک نہیں اٹھارہا۔

کرغیزستان میں ہمارے بچوں پر حملے ہورہے ہیں، کچھ طلباء کے شہید ہونے کی بھی اطلاعات ہیں، وڈیوز اور تصاویر میں دیکھا جاسکتاہے کہ صورتحال انتہائی تشویش ناک ہے، پاکستانی سفارت خانہ بچوں کی کالز تک نہیں اٹھارہا۔
میں حکومت پاکستان سے مطالبہ کرتاہوں کہ محض روائیتی بیانات دینے کے بجائے… pic.twitter.com/O8dXt45pG4

— Naeem ur Rehman (@NaeemRehmanEngr) May 18, 2024

انہوں نے کہا کہ حکومت سے مطالبہ کرتا ہوں روایتی بیانات کے بجائے ٹیم بشکیک روانہ کی جائے اور ہمارے بچوں کو محفوظ بنانے کے لئے عملی اقدامات کیے جائیں۔

ویب ڈیسک: پاکستان کےسفیر حسن ضیغم نے بشکیک میں تشدد کے واقعات کے سلسلے میں کرغیزستان کے نائب وزیر خارجہ امنگازیف الماز سے ملاقات کی۔سفیر حسن ضیغم نے کرغیز حکومت پر زور دیا کہ وہ پاکستانی شہریوں کے تحفظ کو ترجیح دیں۔

تفصیلات کے مطابق نائب وزیراعظم اور وزیر خارجہ محمد اسحاق ڈار کی ہدایت پر جمہوریہ کرغیزستان میں پاکستان کے سفیر حسن ضیغم نے بشکیک میں تشدد کے واقعات کے سلسلے میں کرغزستان کے نائب وزیر خارجہ امنگازیف الماز سے ملاقات کی ۔سفیر حسن ضیغم نے پاکستانی شہریوں بالخصوص متاثرہ پاکستانی طلباء کی بڑی تعداد اور ان کے اہل خانہ کے خدشات سےکرغز نائب وزیرِ خارجہ کو آگاہ کیا۔

سفیر حسن ضیغم نے کرغیز حکومت پر زور دیا کہ وہ پاکستانی شہریوں کے تحفظ کو ترجیح دیں۔

کرغیز نائب وزیر خارجہ نے بتایا کہ کرغیز حکام نے صورتحال پر قابو پالیا ہے جو اب معمول پر آ گئی ہے،کرغیز پولیس تمام ہاسٹلز کو سکیورٹی فراہم کر رہی ہے،اس معاملے کی براہ راست نگرانی کرغیز صدر کر رہے ہیں۔

نائب وزیر خارجہ الماز نے سفیر کو یقین دلایا کہ کرغیزستان کی حکومت کل کے حملے کے مجرموں کے خلاف قانونی کارروائی کرے گی،کچھ پاکستانیوں سمیت 14 غیر ملکی شہریوں کو ابتدائی طبی امداد فراہم  کر دی گئی ہے،ایک پاکستانی شہری زیر علاج ہے۔

ویب ڈیسک:کرغیزستان کے شہر بشکیک میں ہارون آباد سے تعلق رکھنے والے تقریباً 200 سے زائد طالب علم پھنس گئے جبکہ 1000طلباء کا تعلق خیبرپختونخواہ سے ہے۔

تفصیلا ت کے مطابق پاکستانی طلباء اور انٹرنیشنل یونیورسٹی کے طلباء کے ہاسٹلز پر لوکلز کی جانب سے حملہ کیا گیا۔

ہارون آباد

ہارون آباد سے تعلق رکھنے والے پاکستانی طلباء کا کہنا ہے کہ حملوں میں مبینہ طور پر کچھ طالب علموں کی ہلاکت کی اطلاعات ہیں،لوکلز پاکستانی طلباء کے ہاسٹلز اور گھروں پر حملے کر کے توڑ پھوڑ کررہے ہیں۔ہماری سیکیورٹی کو یقینی بنانے کے لئے اقدامات کئے جائیں۔

بہاولنگر

طلباء کا کہنا ہے کہ گورنمنٹ سے اپیل کرتے ہیں کہ کرغیزستان کے ساتھ سفارتی طور پر رابطہ کیا جائے،بشکیک میں اس وقت 200 سے زائد میڈیکل کے طالب علم ہیں جن کا تعلق بہاولنگر سے ہے۔

نارووال

کرغیزستان میں گشیدگی،نارووال کے بھی بچے متاثر ،کرغیزستان میں ہونے والے پرتشدد واقعات،نارووال کایتیم اظہوربھی شامل ہیں۔جووہاں اعلی تعلیم حاصل کرنے گئے ہوئے ہیں. احترام ڈیورڈ ایم بی بی ایس کی تعلیم حاصل کرنے گیا ہواہے۔

بچے کی دادی اوربہن بھائی کشیدگی سے پریشان ہیں۔

بھائی کا کہنا ہے کہ میرے بھائی نے بتایاکہ یہاں پاکستانی طلبا و طالبات کونشانہ بنایا جارہاہے،بچے کے والدین ڈیڑھ ماہ کے وقفے سے فوت ہوگئے بچہ والدہ کی ریٹائرمنٹ کے پیسوں سے تعلیم حاصل کرنے گیاہواہے۔ایشین یونیورسٹی نے طالب علموں کوکمروں میں بند رہنے کی ہدایات کی ہے۔
اہل خانہ نے وزیر اعظم پاکستان میاں شہبازشریف سے نوٹس لینے کامطالبہ کردیا۔

کبیروالا
کرغستان میں مقیم پاکستانی نوجواں شدید مشکلات کا شکار  ہیں،کبیروالا سے تعلق رکھنے والے 3 سے چار طالبعلم اس وقت بھی اپنے فیلٹس میں موجود ہیں،کبیروالا عون رضا کھرل نے اپنے وڈیو بیان میں بتایا کہ حالات شدید ترین خراب ہیں۔پاکستانی ہوسٹلوں پر حملہ کر کے متعد افراد کو شدید زخمی کر دیا۔

طالبعلم  کا کہنا ہے کہ پاکستان ایمبیسی ہمارے ساتھ تعاون نہی کر رہی،پاکستانی حکومت ہماری والپسی کا بندوبست کروائے۔

ویب ڈیسک:ہنگامے کی خبر سنتے ہی  یونیورسٹی کے کرغیز اساتذہ اپنی جانوں کی پروا کئے بغیر اپنے پاکستانی طلبا کی جانیں بچانے پہنچ گئے۔
 رپورٹ کے مطابق سوشل میڈیا پر ڈاکٹر سمیع کی جانب سے پوسٹ کی جانے والی ٹویٹ میں کہا گیا ہے کہ ’’ سب ایک جیسے نہیں ہوتے، اس موقع پر کرغیز کے مقامی اساتذہ نے مثالی جرات کا مظاہرہ کیا اور درجنوں پاکستانی طلبا کی مدد کی  ۔ ان جیسے افراد کو خراج تحسین ہے’’۔

یاد رہے کہ کرغزستان میں پاکستانی طلبہ کے ہاسٹلز پر مقامی افراد نے حملہ کر کے تشدد کا نشانہ بنایا اور توڑ پھوڑ کی، تشدد سے متعدد طلبہ زخمی ہو گئے جبکہ 3 کے جاں بحق ہونے کی اطلاعات ہیں۔

غیرملکی میڈیا کے مطابق کرغزستان کے شہر بشکیک میں مقامی اور غیر ملکی طلبہ کی لڑائی شروع ہوئی جس کی زد میں پاکستانی بھی آ گئے، مقامی افراد نے پاکستانی طلبہ کے ہاسٹلز پر حملہ کر کے وہاں موجود پاکستانیوں کو تشدد کا نشانہ بنایا جس کے نتیجے میں متعدد زخمی ہو گئے۔ 

حملہ آوروں نے ہاسٹل کے دروازے اور کھڑکیوں کے شیشے بھی توڑ دیئے، واقعے کے بعد پاکستانی طلبہ خوفزدہ ہو گئے، ہاسٹل میں پاکستانی طالبات کو بھی ہراساں کرنے کی اطلاعات سامنے آئی ہیں۔

"Not everyone is alike. Our Kyrgyz local teachers have shown remarkable courage and compassion, helping and rescuing students in need. Kudos to these heroic individuals!"#kyrgyzstan #bishkek pic.twitter.com/rpkfOWVXlO

— Dr Sami (@DrSami_says) May 17, 2024

ویب ڈیسک: کرغزستان میں پاکستانی سفارتخانے کی جانب سے سماجی رابطے کی سائٹ ایکس پر کی گئی پوسٹ میں اس امرکی تصدیق کی گئی ہے کہ کرغزستا ن میں کسی پاکستانی طالب علم کی ہلاکت نہیں ہوئی ۔
تفصیلا ت کے مطابق سماجی رابطے کی ویب سائٹ ٹوئٹر(ایکس)میں پاکستانی سفارتخانے نے اپنی پوسٹ میں لکھا ہے کہ ’’کرغز حکومت نے تصدیق کی ہے کہ  عالمی طلبا کے خلاف ہجوم کے حالیہ تشدد میں کسی پاکستانی طالب علم کی موت نہیں ہوئی۔
مزید برآں، کیرغزستان کی وزارت داخلہ نے بھی پریس ریلیز جاری کی ہیں جس میں کہا گیا ہے کہ صورتحال قابو میں ہے۔