سمندری طوفان ’بپرجوائے‘ سےمتعلق مزاحیہ ٹوئٹ کرنے پر اشنا تنقید کی زد میں

پاکستان کی معروف اداکارہ اشنا شاہ نے کراچی میں آنے والے سمندری طوفان بپر جوائے سے قبل ایک مزاحیہ ٹوئٹ کر دی جس پر صارفین اداکارہ پر سخت تنقید کررہے ہیں ۔ پاکستان کی منجھی ہوئی اداکارہ اشنا شاہ اکثر ہی سوشل میڈیا پر کُھل کے اپنی رائے کا اظہار کرتی ہیں اس کے ساتھ ہر معاملے پر ہی اپنی آواز بلند کرنے میں پیچھے نہیں رہتیں ہیں ، اب ان کی ایک ٹوئٹ کافی وائرل ہو رہی ہے۔ انہوں سماجی رابطے کی ویب سائٹ ٹوئٹر پر لکھا کہ میرا طیارہ کراچی کے لیے اڑان بھرنے والا ہے اور وہاں طوفان ہے، میں اپنے شوہر کو یہ بتانا چاہتی ہوں کہ اللہ نہ کرے کہ اگر طیارہ تباہ ہوگیا اور میں زندہ نہ بچ سکی تو میں امید کرتی ہوں کہ میرے شوہر کو کسی دن کوئی نیا جیون ساتھی مل جائے جس سے ان کو خوشیاں نصیب ہوں۔

My flight to Karachi is taking off and there is a Cyclone warning there. I just want my husband to know that God forbid if the plane crashes & I don’t make it, I hope he finds happiness with someone new one day.. and I hope he knows she will never be as awesome as me. He will…

— Ushna Shah (@ushnashah) June 13, 2023

اشنا نے مزید لکھا کہ مجھے امید ہے کہ میرے شوہر یہ جانتے ہیں کہ وہ کبھی بھی میری جیسی شاندار نہیں ہوسکتی ہے ۔ انہوں نے مزید لکھا کہ میں یہ اعلان کرنا تو نہیں چاہتی ہوں لیکن مجھے یہ لازمی کہنا ہوگا کہ یہ ایک مذاق تھا ۔ البتہ مداحوں اور سوشل میڈیا صارفین کو اشنا شاہ کا یہ مذاق کچھ خاص پسند نہیں آیا، لوگوں نے انہیں تنبیہ کی کہ قدرتی آفات یعنی کہ زلزلے اور طوفان وغیرہ کو مذاق سمجھنا غلط ہے۔ خیال رہے کہ اداکارہ اشنا شاہ اور معروف گولفر حمزہ امین کی شادی رواں برس 26 فروری کو ہوئی تھی۔