خیال رہے کہ گذشتہ دنوں سٹارز کے شو کا بھی اعلان کیا گیا تھا ۔ اردو فلیکس نے اپنی پوسٹ میں ’دی مرزا ملک شو‘ کے جلد آن ائیر ہونے کا اعلان کیا تھا جو کہ جلد ہی او ٹی ٹی پلیٹ فارم پر نشر ہوگا۔
پاکستان کے سابق کپتان شعیب ملک نے اپنی اہلیہ و بھارتی ٹینس اسٹار ثانیہ مرزا کو سالگرہ کی مبارکباد دیتے ہوئے تصویر بھی شئر کر دی۔ گذشتہ کئی روز سے ثانیہ اور شعیب کے درمیان علیحدگی کی خبریں سامنے آرہی ہیں لیکن ان افواہوں میں کتنی صاداقت ہے دونوں اسٹارز کی جانب سے نہ ان خبروں کی تصدیق کی گئی اور نہ ہی تردید کی گئی ہے۔ان خبروں کے درمیان شعیب ملک نے فوٹو شیرنگ ایپ انسٹاگرام پر اہلیہ کے لئے سالگرہ کی مبارک باد کے پیغام کے ساتھ اپنی اور ثانیہ کی پرانی تصویر بھی شئر کی ہے۔ شعیب کی جانب سے انسٹاگرام پوسٹ میں ثانیہ کو سالگرہ کی مبارک باد دی گئی اور ساتھ ہی صحت مند اور خوش گوار زندگی گزارنے کی خواہش کا بھی اظہار کیا گیا ہے۔کچھ روز قبل ہی خلیجی اخبار نے اپنی رپورٹ میں لکھا تھا کہ شعیب ملک اور ثانیہ مرزاکی شادی 12 سال رہنے کے بعد ختم ہونے کی اطلاعات سامنے آرہی ہیں ، تاہم اب تک اس جوڑے نے اس معاملے پر خاموشی اختیار کر رکھی ہے ۔