ویب ڈیسک : بالآخرجو بائیڈن صدارتی دوڑ سے دست بردار ہونے کیلئے تیار، 24 گھنٹوں میں نینسی پیلوسی سمیت کانگرس کے تین اعلی ڈیموکریٹس کی ملاقات، اب جانے کا وقت ہے کسی اور کو موقع دیں ۔ تینوں نے ایک ہی مشورہ دیدیا۔
در ین اثنا 81 سالہ جو بائیڈن لاس ویگاس میں انتخابی مہم کے دوران COVID-19 کا شکار ہونے کے بعد ڈیلاویئر پہنچ چکے ہیں ۔ ائرفورس ون سے اترتے وقت صدر امریکا جو بائیڈن تکان کا شکار دئیے۔ انہوں نے آہستگی سے سیڑھیاں اتریں اور اترتے وقت سیڑھیوں پر توقف کیا۔
ڈیل میل کی رپورٹ کے مطابق پچھلے 24 گھنٹوں کے دوران ، کانگریس کے تین اعلی ڈیموکریٹس کے ساتھ نجی بات چیت کا انکشاف ہوا ہے - اور ان سب نے مبینہ طور پر بائیڈن کو ایک ہی مشورہ دیا ہے - وہ جیتنے والا نہیں ہے اور اب جانے کا وقت ہے۔
سی این این کے مطابق کہ اسپیکر ایمریٹا نینسی پیلوسی نے نجی طور پر بائیڈن کو بتایا کہ وہ سابق صدر ڈونلڈ ٹرمپ کو شکست نہیں دے سکتے اور کانگریس میں ڈیموکریٹس کے امکانات کو بھی ڈبو سکتے ہیں۔
سینیٹ کے اکثریتی رہنما چک شومر نے بائیڈن کے ساتھ نجی ملاقات کے لئے گذشتہ ہفتے کے آخر میں ریہوبوتھ کا سفر کیا اور صدر کو استعفیٰ دینے کو کہا۔
اسی طرح ہاؤس اقلیتی رہنما حکیم جیفریز نے بائیڈن کو ویسا ہی پیغام دیا جیسا کہ شومر نے گزشتہ ہفتے ملاقات کے وقت دیا تھا۔
جیفریز نے اس ملاقات کے بارے میں ساتھیوں کو ایک خط لکھا تھا لیکن اس نے گفتگو کا متن ظاہر نہیں کیا۔
ایک ترجمان نےیہ کہتے ہوئے ان تفصیلات کو بتانے سے انکار کر دیا کہ ہاؤس ڈیموکریٹس کو خط 'خود ہی بولتا ہے۔''یہ ایک نجی گفتگو تھی جو نجی رہے گی، ۔
دوسری طرف بائیڈن کے ایک سینئر مشیر کے حوالے سےبتایا گیا ہے کہ صدر جو بائیڈن صدارتی انتخابات چھوڑنے کے لئے اس وقت 'زیادہ قابل قبول' ہیں - انہوں نےمشیروں سے استفسار کیا ہے کہ کیا انہیں یقین ہے کہ نائب صدر کملا ہیرس جیت سکتی ہیں؟
اوہائیو میں ابتدائی بیلٹ کی آخری تاریخ ہونے کی وجہ سے ڈیموکریٹک مندوبین کو عملی طور پر جولائی کے آخر میں صدر نامزد کرنے کا اصل منصوبہ موخر کر دیا گیا ہے۔
اوہائیو کے قوانین کو تبدیل کر دیا گیا تھا، لیکن اس کے علاوہ ڈی این سی نے ڈیموکریٹس کے دباؤ کے سامنے ورچوئل ووٹ کو اگست کے پہلے ہفتے تک موخر کر دیا۔
ڈیموکریٹک نیشنل کنونشن 19-22 اگست کو شکاگو میں منعقد کیا جانا ہے۔
اس ہفتے ایک انٹرویو میں بائیڈن نے کہا تھا کہ وہ صرف اس صورت میں دستبردار ہوں گے جب ڈاکٹروں نے انہیں اس کا مشورہ دیا۔