اسلام آباد ( پبلک نیوز) اسپیکر قومی اسمبلی اسد قیصر کا ایرانی ہم منصب محمد باقر قالیباف کو ٹیلی فون، فلسطین کی موجود صورتحال پر تفصیلی تبادلہ خیال، اسرائیلی جارحیت کے خلاف فلسطین کے لیے مل کر آواز اٹھانے پر اتفاق، اسپیکر قومی اسمبلی کی غزہ میں اسرائیلی حملوں کی شدید الفاظ میں مذمت۔
اسپیکر قومی اسمبلی اسد قیصر نے کہا کہ عید الفطر اور رمضان المبارک میں فلسطینیوں شہریوں پر جارحیت انتہائی افسوس ناک اور قابل مذمت ہے۔ اسرائیلی ظلم اور بربریت کے خلاف او آئی سی ممالک کو خطوط لکھے۔ پاکستان کی قومی اسمبلی نے 17 مئی کو اسرائیل کی فلسطین پر جارحیت کے خلاف متفقہ طور پر مذمتی قرارداد منظور کی ہے۔
اسد قیصر نے کہا کہ عالمی اداروں اور انسانی حقوق کی تنظمیوں کی خاموشی قابل مذمت ہے۔ اسرائیل کی جانب سے معصوم فلسطینیوں پر حملے انسانی اصولوں کے منافی ہیں۔ ایران کا مسلم ممالک میں کردار کلیدی اہمیت کا حامل سمجھا جاتا ہے۔ تمام اسلامی ملکوں کو مسلم امہ کے مسائل کے حل کے لیے راہنما اصول اور تجاویز مرتب کرنا ہوں گی۔
Spoke with Speaker of Iran's Parliament Mohammad Bagher #Ghalibaf about heinous situation in #Israeli Occupied Palestinian Territories. #Pakistan stands firm with #Palestinians and urge international Community to help resolve & facilitate a just solution to Palestine issue. pic.twitter.com/L8LkjlC7FC
— Asad Qaiser (…اسپیکر قومی اسمبلی اسد قیصر نے اپنے ہم منصب کو اقتصادی تعاون تنطیم کی پارلیمانی اسمبلی کے اجلاس میں شرکت کی دعوت بھی دی۔ ایرانی اسپیکر نے فلسطین کے معاملہ پر مسلم ممالک میں اتفاق رائے کی ضرورت پر زور دیا۔ ایرانی اسپیکر نے کہا کہ ایران فلسطین سمیت مسلم امہ کو درپیش مسائل کے حل کے لیے اپنا بھرپور کردار ادا کرتا رہے گا۔