امریکی صدر جو بائیڈن کے متنازع بیان کے بعد امریکہ کی جانب سے کہا گیا ہے کہ پاک امریکہ تعاون عوام اور خطے کے لیے مفید ہے۔ امریکی محکمہ خارجہ کے کونسلر ڈیریک شولے کی پاکستانی سفیر مسعود خان سے ملاقات ہوئی ہے، ملاقات میں دو طرفہ دیرینہ تعلقات پر بات چیت کی گئی ہے۔ امریکی سٹیٹ ڈپارٹمنٹ کا کہنا ہے کہ کہ پاک امریکہ تعلقات مزید بہتر کرنے کے لیے بہت سے شعبوں میں تعاون بڑھایا جا سکتا ہے۔ ان کا کہنا ہے کہ ان شعبوں میں زراعت، صحت، تعلیم اور توانائی شامل ہیں۔ ان شعبوں میں پاک امریکہ تعاون عوام اور خطے کیلئے مفید ہے۔