شاہ زیب قتل کیس: شاہ رُخ جتوئی کی رہائی پر فنکار جذباتی ہوگئے

شاہ زیب قتل کیس میں آج اہم پیش رفت سامنے آئی ہے ، سپریم کورٹ آف پاکستان نے ملزم شاہ رخ جتوئی سمیت دیگر ملزمان کو بری کر دیا ہے۔ اس فیصلے پر فنکار برادری چپ نہ رہ سکی اور اپنے جذبات کا اظہار سوشل میڈیا کے ذریعے سےکیا۔ سپریم کورٹ آف پاکستان کے اس فیصلے پرشوبز شخصیات کے ساتھ ساتھ سوشل میڈیا صارفین ے بھی اپنے جذبات کا اظہار کیا ہے۔ سماجی رابطے کی ویب سائٹ ٹوئٹر پر اداکارہ ماہرہ خان لکھتی ہیں کہ سب طاقت کا کھیل ہے۔ مشہور رائٹر خلیل الرحمٰن قمر نے اس فیصلے پر ردِعمل دیتے ہوئے کہا کہ ایک دن تمہارا قتل ہؤا تھا شاہ زیب، آج انصاف کا خون ہو گیا ہے.

ایک دن تمہارا قتل ہؤا تھا شاہ زین آج انصاف کا خون ہو گیا

— Khalil Ur Rehman Qamar (@KrqOfficial) October 18, 2022

معروف اداکارہ ماورہ حسین نے دُکھ کا اظہار کرتے ہوئے اسے حیرت انگیز اور شرمناک قرار دے دیا . اداکار ہارون رشید لکھتے ہیں کہ سامان باندھنے اور ملک چھوڑنے کا وقت آگیا ہے. آپ میں سے جو نوجوان پڑھے لکھے اور پرعزم ہیں، برائے مہربانی اپنے بچوں کی خاطر اگر موقع ملے تو باہر نکل جائیں۔

Time to pack up and leave. For those of you who are young, educated and determined please, for the sake of your children, move out if the opportunity arises. https://t.co/OE2FIBzcQv

— Haroon Shahid (@Haroon_5hahid) October 18, 2022

خیال رہے کہ شاہ زیب خان کی ہلاکت کا واقعہ 24 دسمبر 2012ء کی شب کراچی کے علاقے ڈیفنس میں پیش آیا تھا ، اس شب شاہ رخ جتوئی اور اس کے ساتھیوں نے تلخ کلامی کے بعد فائرنگ کر کے شاہ زیب کو قتل کر دیا تھا۔