سردیوں میں گڑ کھانے کے حیرت انگیز فوائد

لاہور: (ویب ڈیسک) آج ہم آپ کے لیے گڑ کے فوائد لائے ہیں۔ گڑ آپ کو کئی بیماریوں سے بچا سکتا ہے۔ ماہرین صحت کا کہنا ہے کہ صحت کو صحت مند بنانے کے لیے چینی کے بجائے گڑ کا استعمال کیا جائے تو یہ ایک اچھا آپشن ثابت ہو سکتا ہے۔ گڑ کے اندر کیلشیم، آئرن، پوٹاشیم، سوڈیم، توانائی، شوگر وغیرہ جیسے غذائی اجزا پائے جاتے ہیں جو کہ صحت کو کئی مسائل سے دور رکھ سکتے ہیں۔ اگر کوئی شخص رات کو سونے سے پہلے گڑ کا استعمال کرے تو اس کے صحت کے لیے بہت سے فائدے ہوسکتے ہیں۔ خون کی کمی میں گڑ کا استعمال اس مسئلے سے بچا جا سکتا ہے کیونکہ اس میں آئرن موجود ہوتا ہے۔ گڑ کے اندر موجود آئرن بلڈ پریشر کو کنٹرول کرنے میں مددگار ثابت ہوتا ہے۔ اس سے ہائی بلڈ پریشر کے مسئلے سے بھی بچا جا سکتا ہے۔ گڑ کے اندر پوٹاشیم اور سوڈیم پایا جاتا ہے جو کہ بلڈ پریشر کو کنٹرول کرنے میں مفید ہے۔ رات کو گڑ کھانا صحت کے ساتھ ساتھ جلد کے لیے بھی کارآمد سمجھا جاتا ہے۔ درحقیقت، گڑ کے اندر ایک جراثیم کش خصوصیت موجود ہے، جو ناصرف جلد کے نشانات سے نجات دلاتا ہے بلکہ ورم اور سوجن کا مسئلہ بھی دور کرتا ہے۔ گڑ ہاضمہ کو بہتر بناتا ہے۔ یہ جسم میں ہاضمے کے ایجنٹ کے طور پر کام کر سکتا ہے، اس طرح ہاضمہ بہتر ہوتا ہے۔ اگر رات کو سونے سے پہلے گڑ کو دودھ کے ساتھ پیا جائے تو نیند اچھی آتی ہے۔ اس کے علاوہ، آپ صبح کو توانائی سے بھرپور محسوس کرتے ہیں۔ رات کو سونے سے پہلے گڑ کھانے سے انسان کا مدافعتی نظام مضبوط ہوتا ہے۔ گڑ وٹامن سی کا ایک اچھا ذریعہ ہے، جو قوت مدافعت کو مضبوط بنانے میں مفید ہے۔