لاہور ( پبلک نیوز) سربراہ جے یوآئی مولانا فضل الرحمان نے کہا ہے کہ وقت نے ثابت کردیا گزشتہ انتخابات میں دھاندلی ہوئی تھی۔ خیبرپختونخوا کی عوام نے پیغام دیا کہ یہ جعلی حکومت تھی اور ہے۔ مولانا فضل الرحمان نے کہا کہ امریکہ اور مغربی دنیا نے افغان طالبان سے صلح کر لی تو ہم ان کے لیے نا قابل قبول کیوں ہوں گے؟ جے یو آئی سربراہ کے مطابق ثابت ہوگیا کرپشن کی باتوں کو ہتھیارکے طور پراستعمال کیا جاتا ہے۔ ان کا کہنا تھا کہ سیاستدانوں کو بدنام کرنے کا سلسلہ اب ختم ہونا چاہیے۔ ملک بھر میں کارکنان کی سطح پر تیاریاں شروع ہیں ابھی ہمارے پاس دو ماہ ہیں۔