لاہور: پنجاب حکومت نے سیکیورٹی خدشات کے باعث میٹروبس ، اورنج ٹرین بند کرنے کا فیصلہ کیا ہے۔ پاکستان تحریک انصاف کے لاہور میں جلسے کے موقع پر سیکیورٹی خدشات کو مد نظر رکھتے ہوئے پنجاب حکومت نے میٹرو بس ، اورنج ٹرین بند کرنے کا فیصلہ کیا ہے۔میٹروبس اورنج ٹرین کو شام 4بجے سے بند رکھا جائے گا۔ ماس ٹرانزٹ اتھارٹی کے مطابق ناخوشگوار واقعےسےبچنے کیلئےمیٹروبس، اورنج ٹرین عارضی طور پر معطل کی گئی ہے۔ ماس ٹرانزٹ سسٹم کو کل دوبارہ شیڈول کے مطابق چلایا جائے گا۔