کراچی کنگز کی ہار ، وسیم اکرم کے غصے پر اہلیہ شنیرا بھی حران

پاکستان سپر لیگ (پی ایس ایل) میں کراچی کنگز کی پے در پے شکست پر وسیم اکرم اپنے غصے پر قابو نہ رکھ سکے جس کی ویڈیو سوشل میڈیا پر وائرل ہوئی تو اس پر ان کی اہلیہ شنیرا اکرم نے بھی اپنا ردعمل دیا ہے ۔ کراچی کنگز رواں سیزن میں اب تک 5 میچز کھیل چکی جن میں سے انہیں چار میچز میں شکست حاصل ہوئی ، گذشتہ شب بھی سنسنی خیز مقابلے کے بعد ملتان نے کراچی کو صرف تین رنز سے شکست دے دی ۔ سوشل میڈیا پر ایک ویڈیو خوب وائرل ہوئی ہے کہ جس میں وسیم اکرم ایچ بی ایل پی ایس ایل میں ملتان سلطانز کے خلاف شکست پر شدید غصے میں آ گئے تھے اور انہیں ٹیم کی شکست پر پہلے سر پکڑتے ہوئے اور پھر سامنے موجود سیٹ پر ٹانگ مارتے ہوئے دیکھا گیا تھا ۔ اب سابق کپتان کی اہلیہ شنیرا اکرم بھی اپنے شوہر کا غصہ دیکھ کر حیران ہی رہ گئیں اور ویڈیو پر ردعمل دے دیا ۔ انہوں نے وسیم اکرم کے غصے والی ویڈیو پر حیرانی والا ایموجی شیئر کیا ہے ۔

Wasim Akram is VERY angry???? pic.twitter.com/k0jW5NQlhY

— Haroon (@hazharoon) February 22, 2023