بابراعظم کا نام سوشل میڈیا پر ٹاپ ٹرینڈ بن گیا ، مگر کیوں ؟

بابراعظم کا نام سوشل میڈیا پر ٹاپ ٹرینڈ بن گیا ، مگر کیوں ؟

(ویب ڈیسک) شکیل خان دنیا کرکٹ کا ایک بڑا نام   بابر اعظم جس کو پوری دنیا میں مقبولیت حاصل ہے۔ ان کے فینز دنیا کے ہر کونے میں  موجود ہیں لیکن کچھ وقت سے قومی کھلاڑی بابر اعظم تنقید کا شکار ہیں مگر ان کےچاہنے والے ان پر تنقید کے حامی نہیں ہیں ۔

تفصیلات کے مطابق قومی کرکٹ ٹیم کے سابق کپتان بابر اعظم ان دنوں بنگلہ دیش پریمیئر کھیلنے کے لئے بنگلہ دیش موجود ہیں  اور وہ رنگپور رائیڈرز کی ٹیم میں شامل ہیں ، بابر اعظم نےاسٹرائیکرز کے خلاف شاندار اننگز کھیلتے نصف سنچری بنائی اور ٹیم کی جیت میں اہم کردار ادا کیا اور  ان کی اس زبردست پرفامنس کی بدولت  بابر اعظم کا نام ٹوئٹر پر ٹاپ ٹرینڈ کر رہا ہے۔

رنگپور کے کپتان نورالحسن سوہن نے ٹاس کے دوران بابر کی پلیئنگ الیون میں شمولیت کا اعتماد سے اعلان کرتے ہوئے کہا کہ ، "ظاہر ہے کہ کنگ بابر میچ میں شامل ہیں۔"

سلہٹ اسٹرائیکرز نے پہلے بیٹنگ کرنے کے لیے کہے جانے کے بعد 120 رنز کے مجموعی اسکور کیا اور اس نے پہلی اننگز میں آٹھ وکٹیں گنوائیں۔ایک شاندار لمحہ اس وقت پیش آیا جب باؤنڈری پر تعینات بابر اعظم نے آخری اوور میں دوشن ہیمنتھا کو آؤٹ کرنے کے لیے دوڑتے ہوئے، گیند کو واپس لے کر اور براہ راست ہٹ لگا کر شاندار ایتھلیٹکزم کا مظاہرہ کیا۔

بابر اعظم کے میدان میں آتے ہی سٹیڈیم کا ماحول گرم جشی میں تبدیل ہو گیا، شائقین کرکٹ کی جانب سے ان کا شاندار استقبال کیا گیا اور ہجوم 'بابر بابر' کے نعروں سے گونج اٹھا۔


 

شیئر کریں:

محمد شکیل خان

اسپورٹس رپورٹر

 محمد شکیل خان ایک نوجوان اسپورٹس رپورٹر ہیں جو نہ صرف فیلڈ میں متحرک ہیں بلکہ دنیا بھر میں ہونے والے اسپورٹس ایونٹس اور خصوصا کرکٹ کے حوالے سے اپنے قارئین کو باخبر رکھا اپنا اولین فرض سمجھتے ہیں۔

مزید خبریں

متعلقہ خبریں