حمزہ خان نے ورلڈ جونیئر اسکواش چیمپئن شپ جیت کر تاریخ رقم کردی، 37 سال کے بعد پاکستانی کھلاڑی ورلڈ جونیئرز جیتنے میں کامیاب ہوئے۔ اسٹریلیا کے شہر میلبرن میں ورلڈ جونئیر اسکواش چیمپئن شپ جاری ہے ۔ فائنل میں حمزہ نے مصر کے محمد ذکریا کو تین - ایک سے شکست دی ۔ حمزہ خان کی جیت کا اسکور 12-10، 12-14، 3-11 اور 6-11 رہا ہے۔ حمزہ سے قبل 1986 میں جان شیر خان نے یہ ٹائٹل جیتا تھا۔ اس سے قبل سیمی فائنل میں حمزہ نے فرانس کے میلول سیانی مینیکو کو تین - دو سے شکست دی تھی ، حمزہ اور فرانسیسی کھلاڑی کے درمیان میچ 81 منٹ جاری رہا تھا۔