پنجابی مائیکل جیکسن اللہ رکھا پیپسی کون ہیں؟

سنیچر کے روز پاکستان مسلم لیگ نواز کی جانب سے لاہور کے لبرٹی چوک میں حمزہ شہباز شریف کے دوبارہ وزیر اعلیٰ پنجاب بننے کے بعد یوم تشکر کی تقریب کا انعقاد ہوا۔ مسلم لیگ ن کے یومِ تشکر کی اس تقریب میں جہاں ملی نغمے، پارٹی کے ترانے اور دھنیں بجائی گئیں وہیں ایک ایسا فنکار بھی نظر آیا جو مشہورِ زمانہ پاپ سنگر مائیکل جیکسن کی نقل اتارتا رہا اور لوگ اس سے محظوظ ہوتے رہے۔

نون لیگ کا لبرٹی چوک یوم تشکر!! pic.twitter.com/Ymb9VPF6nx

— Adeel Raja (@adeelraja) July 23, 2022

اس فنکار کا نام اللہ رکھا عرف پیپسی ہے۔ اللہ رکھا پیپسی کو نہ صرف لبرٹی چوک کے سٹیج پر توجہ ملی بلکہ وہ سوشل میڈیا پر بحث کا موضوع بھی بنا ہوا ہے۔ اللہ رکھا پیپسی صوبہ پنجاب کے شہر لاہور سے تعلق رکھنے والا ون مین سٹینڈ اپ کامیڈین ہے جو مختلف رُوپ دھار کر خوشی کی تقریبات میں پرفارم کرتا ہے۔ سوشل میڈیا پر ایک انٹرویو میں اللہ رکھا پیپسی نے اپنے نام کے ساتھ لفظ ’پیپسی‘ لگانے کی وجہ یہ بتائی تھی کہ ایک دن وہ پیپسی پی رہے تھے، جس پر معروف سٹیج اداکار ببو برال نے کہا کہ ’تمہارا اپنا رنگ پیپسی جیسا ہے، آج کے بعد تمہارا نام اللہ رکھا پیپسی ہوگا۔‘، جس کے بعد میرا نام یہ بن گیا۔مسلم لیگ ن کے یوم تشکر کے موقع پر وائرل ہونے کے بعد اللہ رکھا پیپسی کا بیان بھی سامنے آگیا ہے۔

I first saw comedian Allah Rakha 'Pepsi' at a PMLQ political rally back in 2001. He's dark in complexion, certainly no Bilal Khan or Faisal Kapadia. So you're making fun of him coz he doesn't look like you. This disgust for working class is the most disgusting part about PTI.

— Ali Warsi (@thealiwarsi) July 23, 2022

ویڈیو بیان میں اللہ رکھا پیپسی مزاحیہ انداز میں کہتے ہیں کہ ’میں نے گلبرگ میں ن لیگ کا جلسہ دیکھا۔ بہت بھرپور جلسہ تھا۔ وہاں جا کر میں نے ان کی منت سماجت کی مجھے بھی سٹیج پر موقع دیں۔ میں عمران خان کی نقل اتارنا چاہتا ہوں، وہاں میں نے پھر سری لنکا والا آئٹم بھی کیا جسے عوام نے بہت پسند کیا۔‘

جن کا مذاق اڑایا جا رہا تھا ان کا رد عمل سامنے آ گیا ہے۔ اللّه رکھا پیپسی عرف پانی پوڑی pic.twitter.com/OprutbCVgj

— Sardar Muhammad Zeeshan (@mzluvs6666) July 24, 2022

اللہ رکھا پیپسی کی ن لیگ کے یوم تشکر کے موقع پر مزاحیہ پرفارمنس کے بارے میں سماجی رابطوں کی ویب سائٹ ٹوئٹر پر بھی تبصرے دیکھنے میں آرہے ہیں۔ حسان نام ایک صارف کہتے ہیں کہ ’اللہ رکھا پیپسی ایک فنکار ہیں جو اپنے بچوں کے لیے روزی روٹی کما رہے ہیں۔ غریب آدمی کو کمانے دیں اور لوگوں کو محظوظ ہونے دیں۔ یہ ایک معصوم آدمی ہیں۔‘

اللہ رکھا پیپسی صاحب ہمارے بھائی ہیں، کوئی بندا بھی انکا مذاق نہیں اڑا رہا۔بات صرف موقع محل کی ہوتی ہے۔وہ بہترین آرٹسٹ ہیں۔۔ لیکن انکے آرٹ کی پولیٹیکل ایکٹویٹی میں کوئی ضرورت نہیں تھی بظاہر۔ باقی اللہ انکو ترقی دے سلامت رکھے، اور ن لیگ کے آرگنائزرز کو عقل دے۔ ????

— Rai Saqib KharaL (@iRaiSaqib) July 23, 2022

اللہ رکھا پیپسی اس قبل نجی تقریبات اور نجی ٹی وی شوز میں بھی پرفارم کر چکے ہیں۔