پیسے دیئے بنا کھانا کھانے والے پولیس اہلکاروں کی شامت آ‌گئی

راولپنڈی(پبلک نیوز) ٹھیلے سے بنا پیسے دیئے کھانا کھانے والے اہلکاروں کیخلاف قانونی کارروائی کا آغاز کر دیا ہے. راولپنڈی پولیس کی جانب سے کی جانے والے ایک ٹوئٹ میں بتایا گیا ہے کہ سوشل میڈیا پر پولیس اہلکاروں کی ادائیگی کیے بغیر کھانے کا سامان لینے کی شکایت پر سی پی او محمد احسن یونس کی جانب سے نوٹس لیا گیا ہے. ٹوئٹ میں کہا گیا کہ چاروں اہلکار کلوز لائن اور چارج شیٹ کردیا گیا ہے۔ سی پی او راولپنڈی فوری طور ٹھیلے والے کے پاس پہنچ گئے، رقم ادا کی اور معذرت کا اظہار کیا۔

سوشل میڈیا پر پولیس اہلکاروں کی ادائیگی کیے بغیر کھانے کا سامان لینے کی شکایت پر سی پی او محمد احسن یونس کا نوٹس، چاروں اہلکار کلوز لائن، چارج شیٹ کردیا گیا۔ سی پی او راولپنڈی فوری طور ٹھیلے والے کے پاس پہنچ گئے، رقم ادا کی اور معذرت کا اظہار کیا۔ @ahsanpsp @OfficialDPRPP @Rporwp pic.twitter.com/btzcpOEq84

— Rawalpindi Police (@RwpPolice) September 23, 2021

واضح رہے کہ گزشتہ روز پولیس اہلکاروں کی ایک ویڈیو وائرل ہوئی تھی جس میں انہوں نے ایک ٹھیلے سے کھانا کھایا اور رقم ادا نہیں کی، ویڈیو وائرل ہونے کے بعد سوشل میڈیا صارفین کی جانب سے غم و غصے کا مظاہرہ کیا گیا تھا.

راولپنڈی پولیس کے اہلکار ڈیوٹی کے دوران مفت میں کھانا کھا کر کیا بتانا چاہتے ہیں؟
کمرشل مارکیٹ میں ٹیگ 06 گاڑی کی ویڈیو موصول ہوئی امید ہے ان پر ایکشن ہوگا۔
امید تو یہی ہے کہ غریب شہری کو ڈرا کر ایک ویڈیو سامنے آئے گی جس میں وہ کہے گا جس مجھے پیسے دیے ہیں۔ @RwpPolice @ahsanpsp pic.twitter.com/MYIBfTLVSB

— Muzamil Shafique (@muzamilshafiqu) September 23, 2021