وزیراعظم نے تقریب سے خطاب میں کہا کہ رکھ جھو ک جنگل بہترین منصوبہ ہے،پہلی دفعہ پلان کر کے رکھ جھوک جنگل میں ایک کروڑ درخت لگائیں گے، میں نے جنگلات کو تباہ ہوتے دیکھا ہے، نئی نسل کیلئےایک بہترپاکستان چھوڑکرجاناہے،عہد کرنا ہے کہ ملک کو سر سبز اور شاداب بنانا ہے. وزیراعظم کا مزید کہنا تھا کہ دنیا نے کورونا سے متعلق ہمارے اقدامات کو سراہا ،اسمارٹ لاک ڈاؤن پر ہمارا مذاق اڑایاگیا،اسمارٹ لاک ڈاؤن کی پالیسی اب سب اپنارہےہیں، لاہورمیں زیادہ عرصہ قیام پذیر رہا لیکن اب اس شہر کو تباہ کیاگیا ،لاہور میں آلودگی اور سیوریج کے سنگین مسائل کا سامناہے ،ہمارے گلیشئرز تیزی سے ختم ہورہے ہیں، ہم سیوریج کا پانی دریاؤں میں ڈال رہے ہیں. وزیراعظم عمران خان نے مزید کہا کہ عالمی حدت پاکستان کو بہت متاثر کررہی ہے،دریائے راوی پر بیراج بنانے سے زیر زمین پانی کا لیول بلند ہوگا، ملک میں 10ڈیمز تعمیر ہوں گے ،دریا ئےراوی پر3 نئے بیراج بنائیں گے.پاکستان کا پہلا سمارٹ جنگل جو راوی شہر کے قریب بنایا جا رہا ہے جو کہ وزیراعظم عمران خان @ImranKhanPTI کے وژن کے مطابق ہے۔ اس #RakhJhokForest منصوبے میں بوٹینکل گارڈن، پرندوں کی پناہ گاہ، فاریسٹ کیمپنگ، واکنگ ٹریک اور بہت کچھ، تفصیلات کے لیے ویڈیو دیکھیں! pic.twitter.com/5vGNM2lmU7
— 10 Billion Tree Tsunami (@Plant4Pak) August 25, 2021
شیخوپورہ (پبلک نیوز) وزیراعظم عمران خان نے رکھ جھوک کے مقام پر شجرکاری مہم کا آغاز کر دیا، وزیراعظم نے پودا لگا کر پاکستان کے پہلے سمارٹ جنگل کا افتتاح کیا، پاکستان کے پہلے سمارٹ جنگل میں 24 ہزار کنال پر 1 کروڑ درختوں کی شجرکاری کی جائے گی ۔